ជីវិតកម្សាន្ដ

ប៉ូលិសបញ្ជាក់ថា SUGA នឹងត្រូវសួរចម្លើយនៅសប្តាហ៍នេះ

បានផុស

១ ខែ មុន

នៅ

ថ្ងៃអង្គារ ២០ សីហា ២០២៤

ដោយ

កាលពីថ្ងៃទី ១៩ ខែសីហា អ្នកតំណាងប៉ូលិសក្រុងសេអ៊ូលនៃប្រទេសកូរ៉េខាងត្បូង បានបង្ហាញខ្លួននៅក្នុងសន្និសីទសារព័ត៌មានទាក់ទងនឹងការស៊ើបអង្កេត DUI របស់សមាជិក BTS គឺ SUGA ដែលបានបង្កឡើងកាលពីប៉ុន្មានសប្ដាហ៍មុនក្រោមឥទ្ធិពលស្រវឹង។

តំណាងអយ្យការរូបនេះ បានបញ្ជាក់ថា «បច្ចុប្បន្នយើងកំពុងកំណត់កាលបរិច្ឆេទនៃការសាកសួរ។ ប៉ូលិសនឹងស៊ើបអង្កេតព័ត៌មានលម្អិតនៃឧប្បត្តិហេតុនេះ ក៏ដូចជាថាតើមានការប៉ុនប៉ងទម្លាក់កម្រិតនៃឧក្រិដ្ឋកម្មឬអត់។ ការសាកសួរនឹងធ្វើឡើងនៅសប្តាហ៍នេះដោយគ្មានការពន្យាពេលបន្ថែមទៀត ហើយវានឹងមិនកើតឡើងក្នុងអំឡុងពេលល្ងាច ឬចុងសប្តាហ៍ឡើយ»។

ទាក់ទិននឹងលទ្ធភាពដែល SUGA បង្ហាញខ្លួននៅចំពោះមុខសារព័ត៌មាន មុនការស៊ើបអង្កេតរបស់គាត់ អ្នកតំណាងរូបនេះបានអត្ថាធិប្បាយថា ការសាកសួរជនសង្ស័យ SUGA នឹងកើតឡើងដូចការសាកសួរជនសង្ស័យដទៃទៀតដែរ។ យើងមិនអាចបង្ខំជនសង្ស័យណាម្នាក់ ឲ្យឈរនៅមុខអ្នកសារព័ត៌មានបានទេ ។

ទន្ទឹមនឹងនេះដែរ ការជជែកវែកញែកថ្មីមួយបានកើនឡើងលើម៉ូដែល និងលក្ខណៈបច្ចេកទេសនៃម៉ូតូស្កូតឺអគ្គិសនីដែលបើកបរដោយ SUGA នៅពេលឧប្បត្តិហេតុ DUI របស់គាត់បានកើតឡើង។

យោងតាមការអះអាងថ្មីនៅថ្ងៃទី ១៩ ខែសីហា ម៉ូតូអេឡិចត្រិចខ្នាតតូចដែលអាចបត់បានបើកបរដោយសមាជិកក្រុម BTS មានទទឹង ១១៩ សង់ទីម៉ែត្រ កម្ពស់ ១០៨ សង់ទីម៉ែត្រ ទម្ងន់ ២៥ គីឡូក្រាម ល្បឿនអតិបរមា ៣០ គីឡូម៉ែត្រ និងបំពាក់ដោយកៅអីដែលមិនអាចដកចេញបានតម្រូវវឲ្យមានការចុះឈ្មោះជាផ្លូវការជាមួយការិយាល័យស្រុកតាមរយៈ ការប្រើប្រាស់ស្លាកលេខស្របច្បាប់។ ជាងនេះទៅទៀត ច្បាប់យានយន្ត-យានយន្តដែលមានស្រាប់ទាមទារឲ្យមានការធានារ៉ាប់រងលើការទទួលខុសត្រូវលើរថយន្តជាកំហិតរបស់អ្នកប្រើប្រាស់យានយន្តទាំងអស់។

យ៉ាងណា ដោយផ្អែកលើវីដេអូ CCTV របស់ SUGA នៅពេលរូបគេត្រូវប៉ូលិសឃាត់ទុក អ្នកសង្កេតការណ៍បានអះអាងថា វាមិនច្បាស់ថាតើស្លាកលេខត្រូវបានភ្ជាប់ទៅនឹងម៉ូតូស្កូតឺឬអត់។

បញ្ហាស្លាកលេខនៅក្នុងករណីបន្តនេះបង្ហាញពីរឿងមួយក្នុងចំណោមរឿងពីរ។ ទីមួយ ប្រសិនបើម៉ូតូស្កូតឺអគ្គិសនីរបស់ SUGA មានស្លាកលេខ វាអាចមានន័យថា Big Hit Music កុហក ដោយបញ្ជាក់ថារថយន្តនោះជា ម៉ូតូស្កូតឺអគ្គិសនី។ ទោះបីជាទីភ្នាក់ងារនេះបានអះអាងថាវា មិនច្បាស់លាស់ អំពីម៉ូដែលពិតប្រាកដនៃយាន្តជំនិះអគ្គិសនីនៅពេលនោះ អ្នកខ្លះជឿថាវាមិនគួរឲ្យជឿជាក់ក្នុងការច្រឡំម៉ូតូដែលមានស្លាកលេខចុះបញ្ជីថាជាស្កូតឺទេ។ ទីពីរ ប្រសិនបើម៉ូតូស្កូតឺរបស់ SUGA មិនមានផ្លាកលេខ នោះ idol ក៏នឹងទទួលខុសត្រូវចំពោះប្រតិបត្តិការយានយន្តដែលមិនបានចុះបញ្ជីផងដែរ ដោយប្រឈមនឹងការផាកពិន័យបន្ថែម។ ដូចគ្នានេះដែរ ប្រសិនបើប៉ូលិសរកឃើញថា រថយន្តរបស់ idol មិនត្រូវបានធានាទេនោះ ការផាកពិន័យបន្ថែមអាចនឹងត្រូវអនុវត្តផងដែរ។

សូមរម្លឹកដែរថា កាលពីថ្ងៃទី ០៧ ខែសីហា ប៉ុស្តិ៍ប៉ូលិស Yongsan ក្នុងទីក្រុង Seoul បានរាយការណ៍ថា SUGA បានបំពានច្បាប់ចរាចរណ៍ផ្លូវគោក ខណៈមន្ត្រីដើរល្បាតនៅជិតការិយាល័យប្រធានាធិបតីបានប្រទះឃើញសមាជិកក្រុម BTS រូបនេះ ស្រវឹងជោគជាំដេកដួលលើដី៕