ជីវិតកម្សាន្ដ

លោក សុះ ម៉ាច រន្ធត់ចិត្ត ក្រោយទទួលដំណឹងកូនស្រីជួបគ្រោះថ្នាក់ចរាចរណ៍

បានផុស

៥ ខែ មុន

នៅ

ថ្ងៃពុធ ២១ សីហា ២០២៤

ដោយ

តារាចម្រៀងជើងចាស់ លោក សុះ ម៉ាច បានសម្តែងអារម្មណ៍រន្ធត់ចិត្តជាខ្លាំង បន្ទាប់ពីទទួលដំណឹងថា កូនស្រីរបស់លោកបានជួបគ្រោះថ្នាក់ចរាចរណ៍បណ្តាលឲ្យរងរបួសនៅឯទឹកដីខេត្តបន្ទាយមានជ័យ កាលពីថ្ងៃទី ២០ ខែសីហា ឆ្នាំ ២០២៤ ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមប្រភពព័ត៌មានបានឲ្យដឹងថា ហេតុការណ៍គ្រោះថ្នាក់ចរាចរណ៍នេះបានកើតឡើងនៅទីរួមខេត្តបន្ទាយមានជ័យ បង្កឡើងដោយរថយន្តធុនធំដឹកដី បុកជាមួយរថយន្តស៊េរីទំនើប បណ្ដាលឲ្យរងរបួសធ្ងន់-ស្រាលមនុស្សនៅក្នុងរថយន្ត។

លោក សុះ ម៉ាច បានរៀបរាប់ឲ្យដឹងថា «ក្នុងនាមជាឪពុករន្ធត់ចិត្តពេកក្រៃពេលដឹងថាកូនស្រីគ្រោះថ្នាក់ចរាចរណ៍។ ទោះបីរបួសស្រាលក៏ដោយ រីឯបងស្រីរបស់នាង គឺជា ម៉ៃកា របួសធ្ងន់ កំពុងដឹកមកសង្គ្រោះនៅភ្នំពេញ ដែលសុទ្ធតែជាចៅរបស់ សម្តេចធម្មពោធិសាលជាស៊ីម»។

តារាចម្រៀង លោក សុះ ម៉ាច បានឲ្យដឹងទៀតថា «ខ្ញុំសូមសំណូមពរដល់ប៉ូលិសជំនាញ មេត្តាតាមចាប់តៃកុងឡានធុនធំដែលជាជនបង្កបើកបញ្ច្រាស មកបុករថយន្តក្បួនដែលកូនស្រីខ្ញុំជិះជាមួយបងស្រីរបស់នាងក្នុងដំណើរបេសកកម្ម មកទទួលខុសត្រូវចំពោះមុខច្បាប់ឲ្យខាងតែបាន»។

ជាមួយគ្នា នៃដំណឹងដ៏ភ្ញាក់ផ្អើល និងរន្ធត់នេះដែរ ឃើញមានអ្នកគាំទ្រ និងមហាជនជាច្រើន បានបង្ហាញក្តីព្រួយបារម្ភ និងជូនពរឲ្យកូនស្រីរបស់ លោក សុះ មាច ឆាប់ជាសះស្បើយពីរបួសផងដែរ៕

អត្ថបទ ៖ ចាន់រ៉ា