ម៉្យាងដែរ មកពីបារាំងវិញ វណ្ណដា​ សម្ងំគេងលើភ្លៅម្ដាយ ប្រើជីវិតយ៉ាងសាមញ្ញនៅស្រុកកំណើត

ជាការពិតណាស់ តារាចម្រៀងរ៉េប វណ្ណដា បានតំណាងឲ្យប្រទេសកម្ពុជា ឡើងច្រៀងលើឆាកតន្ត្រីបិទព្រឹត្តិការណ៍កីឡារអូឡាំពិក នៅឯប្រទេសបារាំង កាលពីថ្ងៃទី១១ ខែសីហា កន្លងទៅនេះ ហើយក៏បានត្រឡប់មកប្រទេសកម្ពុជាវិញ នាំមោទនភាពមកកាន់ស្រុកកំណើត ដែលទទួលបានការស្វាគមន៍យ៉ាងកក់ក្ដៅ។

ថ្មីៗនេះ វណ្ណដា បានបង្ហោះរូបភាពប៉ុន្មានសន្លឹក បង្ហាញពីការប្រើប្រាស់ជីវិតយ៉ាងសាមញ្ញរបស់លោក ក្រោយពីបានលើកតម្កើងកិត្តិយសជាតិនៅលើឆាកអន្តរជាតិ។​ នៅក្នុងនោះ វណ្ណដា ទំនងជាកំពុងតែប្រើប្រាស់ពេលវេលានៅឯស្រុកកំណើត ដែលនៅក្នុងខេត្តព្រះសីហនុ យ៉ាងស្ងប់ស្ងាត់។

ជាពិសេស តារារ៉េបរូបនេះ បានចំណាយពេលជាមួយនឹងគ្រួសារដ៏កក់ក្ដៅរបស់លោក ចាកឆ្ងាយពីបណ្ដាញសង្គម និង ការងារសិល្បៈមួយរយៈ។ មិនតែប៉ុណ្នោះ តាមរយៈរូបភាព​ ក៏បានបង្ហាញថា វណ្ណដា មិនត្រឹមតែដើរលេងកម្សាន្តនោះទេ លោកក៏បានទៅវត្តធ្វើបុណ្យជាមួយលោកអ្នកមានគូណទាំង២ផងដែរ។

ជាមួយគ្នានេះ អ្នកគាំទ្រនាំគ្នាចុចចូលចិត្ត រូបលោក និង នាំគ្នាចូលខមិនសរសើរគ្រប់ៗគ្នា ហើយនាំគ្នាទន្ទឹងរងចាំ អាល់ប៊ុមចម្រៀងថ្មីរបស់ អាយដល មិនដឹងជាពេលណាបានលោកព្រមទម្លាក់ចម្រៀងថ្មីៗទៀត ហើយដែលលើសពីនោះគឺ ហ្វេនៗរងចាំការប្រគុំតន្ត្រីរបស់ វណ្ណដា ផងដែរ៕