ឆឹម សក្កដា ៖ កម្ពុជា ជាទឹកដីអច្ឆរិយ និងគួរឲ្យស្ញប់ស្ញែងសម្រាប់មនុស្សជាតិ

តារា​សម្ដែង​ប្រុស​រូប​សង្ហា​លោក ឆឹម សក្កដា បាន​បង្ហាញ​អារម្មណ៍​ដោយ​មោទនភាព​របស់​ខ្លួន​ដែល​កើត​នៅ​លើ​ទឹកដី​ប្រទេស​កម្ពុជា​ដែល​ជា​ទី​កន្លែង​អច្ឆរិយ និង​គួរ​ឲ្យ​ស្ញប់ស្ញែង​សម្រាប់​មនុស្ស​ជាតិ​នៅ​លើ​ពិភពលោក។

តារា​សម្តែង​លោក ឆឹម សក្កដា បាន​លើក​ឡើង​ពី​ទស្សនៈ​ផ្ទាល់​ខ្លួន​ថា «ខ្ញុំថែ អ្នក​ថែ សិល្បៈ​វប្បធម៌ខ្មែរ ឋិតថេរ គង់វង្ស ខ្ញុំផ្សាយ អ្នកផ្សាយ ខ្មែរល្បី​សុសសាយ ទូទាំងសកល»។ លោកបន្តថា ពួកយើង ជា​ប្រជាជន​សំបូរ​ដោយ​ស្នាមញញឹម​ ជាតិសាសន៍​ណា​ក៏សរសើរថា ប្រជាជនកម្ពុជា​រួសរាយ​រាក់ទាក់ និងមានសុជីវធម៌ល្អ។

លោក ឆឹម សក្កដា បាននិយាយទៀតថា គ្រប់គ្នាដែល​បាន​មកដល់ទឹកដី​សុវណ្ណភូមិ​មួយនេះ (កម្ពុជា) តែង​តែ​ទទួលបានស្នាម​ញញឹម និង​ភាពកក់ក្ដៅ​ពី​កម្ពុជា។ ដូចនេះ សមាគមសិល្បករខ្មែរ​ក៏ធ្លាប់​បានរៀបចំកម្មវិធី ស្នាមញញឹម​នៃកម្ពុជា ដើម្បី​បង្ហាញ​ពីភាពរួសរាយ រាក់ទាក់​សិល្បៈ​វប្បធម៌​ដ៏ផូរផង់ និង​សំបូរ​បែប​ទៅកាន់​ពិភពលោក ថា កម្ពុជាជា​ទឹក​ដី​អច្ឆរិយៈ និង​គួរ​ឲ្យស្ញប់ស្ញែងសម្រាប់មនុស្សជាតិក្នុងលោកគួរតែចូលមកទស្សនា និងស្វែងយល់។

តាមរយៈ​ការលើកឡើងរបស់​តារាសម្តែងលោក ឆឹម សក្កដា ខាងលើនេះ​ត្រូវបានទស្សនិកជន និងអ្នកប្រើប្រាស់​បណ្តាញសង្គម​ហ្វេសប៊ុកមួយ​ចំនួនបង្ហាញការគាំទ្រ និងសរសើរថា លោកពិតជា​មានទស្សនៈ​បំផុស​ដើម្បី​ឲ្យប្រជាពលរដ្ឋ​យកគំរូតាមផងដែរ៕

អត្ថបទ៖ ចាន់រ៉ា