អតីតបវរកញ្ញា លីបង់ Dima Safi ទទួលមរណភាពក្នុងអាយុ៣០ឆ្នាំ ដោយសារគាំងបេះដូង

អតីតបវរកញ្ញាលីបង់ Dima Safi និងជាម្ចាស់មកុដ Miss Lebanon Emigrant ២០២៧ បានទទួលមរណភាពក្នុងអាយុ ៣០ឆ្នាំ បន្ទាប់ពីទទួលរងនូវការគាំងបេះដូងភ្លាមៗកាលពីថ្ងៃអាទិត្យ​​ ខណៈដែលដំណឹងនៃការស្លាប់របស់រូបនាង ធ្វើឲ្យក្រុមគ្រួសារ​និងទស្សនិកជនមានការតក់ស្លុតជាខ្លាំង។

យោងតាមចុះផ្សាយពី ​​Noskhabar បានដកស្រង់ខ្លឹមសារពីក្លឹបអ្នកគាំទ្របវរកញ្ញាលីបង់នៅលើ Instagram Stories ដោយធ្វើការប្រកាសដំណឹងនៃការស្លាប់របស់នាង ក៏ជំរុញឲ្យមានទុក្ខសោកយ៉ាងខ្លាំងក្នុងចំណោមអ្នកគាំទ្រ និងអ្នកតាមដានរបស់នាង។ ជាមួយគ្នានោះដែរ អ្នកគាំទ្របានផ្ញើសារនៅលើ Instagram របស់ Diada Safi ដោយអធិស្ឋានសុំឲ្យបវរកញ្ញារូបនេះសម្រាកដោយសន្តិភាពនៅទីកន្លែងថ្មី។

ដោយឡែក យោងទៅតាមសារព័ត៌មានអារ៉ាប់ Arbaha បានបញ្ចាក់ឲ្យដឹងថា Safi បានឈ្នះពានរង្វាន់របស់បវរកញ្ញាប្រទេសចិននៅឆ្នាំ ២០១៧ បវរកញ្ញាលីបង់អន្តរជាតិនៅឆ្នាំ ២០១៧ និងបានប្រកួតប្រជែងក្នុងកម្មវិធីបវរកញ្ញាអន្តរជាតិនៅប្រទេសជប៉ុន។

មិនត្រឹមប៉ុណ្ណឹងទេ អតីតបវរកញ្ញារូបនេះ បានបញ្ចប់ថ្នាក់អនុបណ្ឌិតពីរ គឺមួយផ្នែកអាហារូបត្ថម្ភ និងមួយទៀតផ្នែកទីផ្សារ និងការផ្សាយពាណិជ្ជកម្ម។ នាងបានឈ្នះពានរង្វាន់ “Miss Lebanon Emigrant” ក្នុងឆ្នាំ ២០១៧ ក្នុងអំឡុងពេលពិធីមួយដែលធ្វើឡើងនៅ Antalya ប្រទេសទួកគី៕

អត្ថបទ៖ សាង ស្រីល័ក្ខ

ចុចអាន៖តារាកូរ៉េ ៥ រូប ធ្លាប់ជម្នះព្យាបាលជំងឺមហារីកដ៏កាចសាហាវ រហូតជាសះស្បើយ