ជីវិតកម្សាន្ដ
ក្រុមច្បាប់ថា ការកាត់ទោសដំបូងលើតួលោកតាក្នុងរឿង «Squid Game» ធ្ងន់ធ្ងរពេកហើយ
តារាសម្តែង Oh Young Soo ឬទស្សនិកជនដឹងថាលោកតាបានដើរតួក្នុងរឿង”Squid Game”កាលពីវគ្គ១ ដែលពេលនេះកំពុងស្ថិតក្រោមការកាត់ក្តីពីបទបង្ខំនារីម្នាក់ ខណៈក្រុមអ្នកច្បាប់របស់លោកតាបានប្រកែកក្នុងអំឡុងពេលសវនាការលើកដំបូងថា ការកាត់ទោសពីសវនាគឺធ្ងន់ធ្ងរពេក។
កាលពីថ្ងៃទី២៩ ខែសីហា ក្នុងអំឡុងពេលសវនាការនៅសាលាឧទ្ធរណ៍ផ្នែកព្រហ្មទណ្ឌ ៦-១ របស់តុលាការស្រុក Suwon (ប្រធានចៅក្រម Shin Woo Jung, Yoo Jae Kwang, Kim Eun Jung) មេធាវីរបស់ Oh Young Soo បានដាក់សេចក្តីថ្លែងការណ៍មួយទៅកាន់តុលាការដោយលើកហេតុផលថា «ចុងចោទបានប្រឈមមុខនឹងការវិនិច្ឆ័យសង្គម រួមទាំងត្រូវបានដកចេញពីខ្សែភាពយន្តជាច្រើនជាលទ្ធផលនៃករណីនេះ” ដោយអះអាងថា ការកាត់ទោសដំបូងគឺធ្ងន់ធ្ងរពេកហើយ»។
បានពេលនោះ មេធាវីរបស់ Oh Young Soo បាននិយាយថា ពួកគេមិនទាន់សម្រេចចិត្តថា តើត្រូវហៅជនរងគ្រោះធ្វើជាសាក្សីឬអត់ទេ។ ប៉ុន្តែខាងតុលាការបានឆ្លើយតបវិញថា ពួកគេនឹងដំណើរការសវនាការសាក្សីក្នុងអំឡុងពេលវគ្គបន្ទាប់ ហើយសម្រេចចិត្តថាតើត្រូវកោះហៅជនរងគ្រោះធ្វើជាសាក្សីឬយ៉ាងណា ស្របពេលដែលមេធាវីជនរងគ្រោះ ក៏បានចូលរួមក្នុងសវនាការផងដែរ។
តារាសម្ដែង Oh Young Soo ត្រូវបានចោទប្រកាន់ដោយគ្មានការឃុំខ្លួនក្នុងខែវិច្ឆិកា ឆ្នាំ ២០២២ ក្រោមការចោទប្រកាន់ពីបទបង្ខំនារីម្នាក់ពីរដង រួមទាំងការឱបនាងនៅលើផ្លូវដើរ និងថើបថ្ពាល់នៅមុខផ្ទះរបស់នាងក្នុងរដូវក្តៅឆ្នាំ ២០១៧ ខណៈពេលដែលនាងស្នាក់នៅក្នុងជនបទ។ នៅក្នុងខែមីនាឆ្នាំនេះ ការកាត់ក្តីលើកដំបូងបានរកឃើញថាគាត់មានទោស ហើយបានកាត់ទោសគាត់ឲ្យជាប់គុកប្រាំបីខែ និងព្យួររយៈពេលពីរឆ្នាំ។
អយ្យការដែលដំបូងបានស្នើសុំឲ្យមានការផ្ដន្ទាទោសដាក់ពន្ធនាគាររយៈពេលមួយឆ្នាំ បានប្ដឹងឧទ្ធរណ៍ចំពោះការសម្រេចនេះដោយផ្អែកលើការបន្ធូរបន្ថយទោស។ ទន្ទឹមនឹងនោះ ក្រុមមេធាវីរបស់ Oh Young Soo បានប្តឹងឧទ្ធរណ៍លើហេតុផលនៃកំហុសជាក់ស្តែង ការយល់ខុសផ្លូវច្បាប់ និងភាពធ្ងន់ធ្ងរនៃការកាត់ទោស។ សម័យប្រជុំតុលាការលើកក្រោយគ្រោងធ្វើនៅថ្ងៃទី២៩ ខែតុលា។
សូមបញ្ចាក់ដែរថា Oh Young Soo ទទួលបានភាពល្បីល្បាញនៅឆ្នាំ ២០២១ សម្រាប់តួនាទីរបស់គាត់ជា “Gganbu Grandpa” នៅក្នុងរឿងភាគដើមរបស់ Netflix Squid Game ដែលបានក្លាយជាតារាសម្តែងកូរ៉េដំបូងគេឈ្នះពានរង្វាន់តារាសម្តែងឆ្នើមផ្នែកទូរទស្សន៍នៅ Golden Globes ក្នុងឆ្នាំ ២០២២។ ទោះជាយ៉ាងណាក៏ដោយ បន្ទាប់ពីការកាត់ទោស ហើយត្រូវបានព្យួរទោសជាប់ពន្ធនាគារពីបទធ្វើបាបដោយបង្ខំ គាត់ត្រូវបានហាមឃាត់មិនឲ្យបង្ហាញមុខនៅលើកញ្ចក់ទូរទស្សន៍ KBS ក្នុងខែឧសភា៕
អត្ថបទ៖ សាង ស្រីល័ក្ខ
ចុចអាន៖Samsung ពិចារណាដក Suga ក្រោយរឿងចម្រូងចម្រាសបើកបរស្រវឹង នៅតែអូសបន្លាយ
-
ព័ត៌មានអន្ដរជាតិ៥ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ២ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានជាតិ២ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៣ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ២ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានអន្ដរជាតិ៥ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២ ថ្ងៃ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់