ហ៊ុយ យ៉ាឡេង ចាត់ទុកជាប្រវត្តិសាស្រ្តដែលសម្តេចធិបតីផ្តល់ឱកាសដល់ផលិតករជួបពិភាក្សា

ផលិតករភាពយន្តលោក ហ៊ុយ យ៉ាឡេង បានបង្ហាញអារម្មណ៍រំភើបខ្លាំងបន្ទាប់ពីត្រូវបានសម្តេចធិបតី ហ៊ុន ម៉ាណែត នាយករដ្ឋមន្រ្តី នៃប្រទេសកម្ពុជាបានអនុញ្ញាតិឲ្យផលិតករ និងសមាគមភាពយន្តចូលជួបពិភាក្សាពាក់ព័ន្ធវិស័យភាពយន្តនៅកម្ពុជា។

ក្រៅពីការរំភើបចិត្តលោក ហ៊ុយ យ៉ាឡេង បានចាត់ទុកថានេះជាប្រវត្តិសាស្រ្តសម្រាប់លោកដែលត្រូវបានសម្តេចធិបតីហ៊ុន ម៉ាណែត ផ្តល់ឱកាសដល់ផលិតករជួបពិភាក្សាកាលពីព្រហស្បតិ៍ទី២៩ ខែសីហា ឆ្នាំ២០២៤នៅវិមានសន្តិភាពដើម្បីពិនិត្យលើវឌ្ឍនភាពការងារវិស័យភាពយន្តនៅកម្ពុជា។

ផលិតកររឿង”ដើម្បីកូន” លោក ហ៊ុយ យ៉ាឡេង បានឲ្យដឹងថា “លើកទី១ចាត់ទុកជាប្រវត្តិសាស្រ្តសម្រាប់ខ្ញុំ
ដែលសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាផ្តល់កិត្តិយសដល់ផលិតករ
ភាពយន្តជួបពិភាក្សារ និងពិនិត្យលើការងារមួយចំនួនពាក់ព័ន្ធវិស័យភាពយន្តនៅកម្ពុជា“។

គួរបញ្ជាក់ថា ផលិតករភាពយន្តខ្មែរលោក ហ៊ុយ យ៉ា ឡេងថ្វីត្បិតកន្លងទៅលោកត្រូវខាតបង់អស់ទ្រព្យពីខ្លួនក្នុងការផលិតរឿងក៏ពិតមែន ប៉ុន្តែលោកនៅរក្សាជំហរ និងឆន្ទ:សម្រាប់លើកស្ទួយវិស័យសិល្ប:របស់ខ្មែរដើម្បីផ្សព្វផ្សាយទៅកាន់ពិភពលោក។ ជាឆន្ទ:របស់លោក ហ៊ុយ យ៉ាឡេង ក៏បានធ្វើកាសន្យាដោយខិតខំប្រឹងឲ្យអស់លទ្ធភាពដើម្បីចូលរួមការពារថែរក្សាលើកតម្កើងសិល្បៈទៅកាន់ពិភពលោក៕

អត្ថបទ៖ ចាន់រ៉ា