ដេកផ្ទះសុខៗ ល្បីដល់ថៃ បទ វណ្ណដា ត្រូវតារាថៃល្បីៗយកទៅច្រៀងតាមពេញ TikTok

ដូចដែលយើងដឹងស្រាប់ហើយថា ប្រជាប្រិយភាពរបស់តារារ៉េប វណ្ណដា​ មិនត្រឹមតែល្បីខ្លាំងនៅក្នុងស្រុកនោះទេ ថែមទាំងល្បីដល់ក្រៅប្រទេសទៀតផង ពិសេស គឺទទួលបានការស្រឡាញ់គាំទ្រពីសំណាក់ប្រទេសជិតខាង ដូចជា ថៃ ឡាវ វៀតណាម ដែលគេនិយមស្ដាប់បទចម្រៀងរបស់តារាខ្មែរយើងរូបនេះ។

កាលពីពេលថ្មីៗនេះ ផ្ទុះការចាប់អារម្មណ៍នៅក្នុងបណ្ដាញសង្គម TikTok ដោយ បទ សង្ក្រាន្តស្គាល់ស្នេហ៍ របស់ វណ្ណដា ស្រាប់តែមានសន្ទុះយ៉ាងខ្លាំងក្លាសារជាថ្មីម្ដងទៀត នៅឯប្រទេសថៃ អ្នកលេងម្នាក់ៗនាំគ្នាច្រៀងតាមបទនេះ ធ្វើឲ្យមានការភ្ញាក់ផ្អើលជាខ្លាំង។

មិនតែប៉ុណ្ណោះ សូម្បីតែតារាថៃល្បីៗដូចជា Mai Davika និង Mint Chalida ព្រមទាំងតារាល្បីៗផ្សេងៗជាច្រើននាក់ទៀត បាននាំគ្នាច្រៀងតាមបទ សង្ក្រាន្តស្គាល់ស្នេហ៍ ដែលចេញតាំងពីថ្ងៃចូលឆ្នាំខ្មែរមកម្ល៉េះ។ ជាពិសេស ក្រឡេកមើលទៅកាន់វីដេអូ យើងនឹងដឹងថា ម្នាក់ៗ ព្យាយាមច្រៀងឲ្យត្រូវនឹងប៉ារ៉ូលបទចម្រៀងមែនទែន ឃើញហើយពិតជារំភើបមែនទែន។

ដើម្បីឲ្យកាន់តែច្បាស់ សូមទស្សនាវីដេអូខាងក្រោមនេះ