គ្រាន់តែបង្ហោះរូបថតការភ្លាម HyunA ត្រូវមហាជនដាក់ទំនាយពេញអ៊ិនធើណែត

កាលពីថ្មីៗនេះ តារាចម្រៀងទោល ដ៏ល្បីល្បាញ HyunA បានបង្ហោះរូបថតអាពាហ៍ពិពាហ៍របស់ខ្លួន និង អនាគតស្វាមី Yong Junhyung ដើម្បីជាការប្រកាសនៅថ្ងៃសិរីមង្គលរបស់នាង។​ ខុសពីទទួលបានការអបអរសាទ និងជូនពរ រូបភាពទាំងនេះ បែរជាទទួលបាននូវការបញ្ចេញមតិអវិជ្ជមានយ៉ាងច្រើនទៅវិញ។

ជាមួយគ្នានេះដែរ មហាជនមានការខកចិត្តនឹងតារាស្រីរូបនេះជាខ្លាំង ដោយសារតែ នាងបានបញ្ចប់ទំនាក់ទំនងស្នេហាដែលមានរយៈពេលច្រើនឆ្នាំ ដ៏ផ្អែមល្ហែមជាមួយ Dawn។ ផ្ទុយទៅវិញ នាងបែរជាជ្រើសរើសគូអនាគតគឺជាឧក្រិដ្ឋកម្ម ដោយ Junhyung គឺជាបុគ្គលម្នាក់ ដែលជាប់ពាក់ព័ន្ធជាមួយនឹងករណីជួញដូរផ្លូវភេទក្នុងក្លឹប Burning Sun ដែលត្រូវបានបណ្ដេញចេញពីវិស័យសិល្បៈ កាលពីឆ្នាំ 2019 កន្លងទៅនេះ។

បកមកពិធីមង្គលការរបស់គូស្នេហ៍ដែលត្រូវបានមហាជនដាក់រហ័សនាមថា គូស្នេហ៍ Burning Sun នេះវិញ ពួកគេបានប្រកាសនឹងធ្វើពិធីបែបលក្ខណៈឯកជន ដែលធ្វើឡើងនៅថ្ងៃទី11 ខែតុលា ខាងមុខនេះហើយ។ ដោយឡែក បើទោះបីជា HyunA ខំបង្ហាញរូបភាពស្អាតៗយ៉ាងណា ក៏រូបនាង​នៅតែទទួលបានការរិះគន់ តិះដៀលពីសំណាក់មហាជនជាច្រើនលើសលុប៕