ជីវិតកម្សាន្ដ

ញឹម ចាន់ថន អំពាវនាវពលរដ្ឋចូលរួមគោរពច្បាប់ចរាចរណ៍

បានផុស

៣ សប្តាហ៍ មុន

នៅ

ថ្ងៃអង្គារ ៣ កញ្ញា ២០២៤

ដោយ

តារាសម្តែងស្រី កញ្ញា ញឹម ចាន់ថន បានចេញមុខអំពាវនាវប្រជាពលរដ្ឋ និងមហាជន ចូលរួមគោរពច្បាប់ចរាចរណ៍ឲ្យបានត្រឹមត្រូវ ដើម្បីបញ្ចៀសបញ្ហាគ្រោះថ្នាក់ដល់ខ្លួនឯង និងអ្នកដទៃ ដែលធ្វើដំណើរនៅលើដងផ្លូវជាមួយគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់នាពេលបច្ចុប្បន្ននេះបញ្ហាគ្រោះថ្នាក់ចរាចរណ៍តែងតែកើតឡើងជាបន្តបន្ទាប់បណ្ដាលឲ្យមានគ្រោះថ្នាក់ដល់អាយុជីវិត (ស្លាប់) និងរបួសជាដើម។ ហេតុនេះហើយ ទើបក្នុងមួយរយៈពេលចុងក្រោយនេះឃើញមានសមត្ថកិច្ចនៅតាមបណ្តាខេត្ត-ក្រុងមួយចំនួន បានបើកយុទ្ធនាការអនុវត្តរឹតបន្តឹងច្បាប់ចរាចរណ៍ផ្លូវគោក ដើម្បីចូលរួមកាត់បន្ថយអត្រាគ្រោះនៅលើដងផ្លូវ។

ដោយឡែក កញ្ញា ញឹម ចាន់ថន បានបង្ហោះរូបភាពអមដោយខ្លឹមសារអំពាវនាវដូច្នេះថា «បងប្អូន និងហ្វេនៗ នៅចាំ spot នេះទេ? ថតគ្រោះថ្នាក់ចរាចរណ៍ (TV បាយ័ន) សូមគោរពច្បាប់ចរាចរណ៍ទាំងអស់គ្នា មិននឹកស្មាន spot ល្បីខ្លាំង មានបងប្អូនមិត្តភ័ក្ដិបារម្ភខលមកច្រើនណាស់ ដោយសារដំបូងគេមិនទាន់ឲ្យយើងផុសទេ អ៊ីចឹងហើយធ្វើឲ្យបងប្អូនមិត្តភ័ក្ដិគិតថាគ្រោះថ្នាក់មែន»។

តារាសម្តែងកញ្ញា ញឹម ចាន់ថន និយាយទៀតថា «ពេលហ្នឹងយើងដឹងច្បាស់ពេលជួបបញ្ហាបានយើងដឹងអ្នកណាខ្លះភ័យបារម្ភជាមួយយើង តែយ៉ាងណាក៏សូមអរគុណច្រើនការស្រទ្បាញ់រាប់អានស្មោះចេញពីចិត្តមកលើរូបខ្ញុំ ញឹម ចាន់ថន»។

គួរបញ្ជាក់ដែរថា កន្លងមកក្នុងគោលបំណងដើម្បីចូលរួមការងារជួយសង្គម ពិសេសការផ្សព្វផ្សាយអប់រំបញ្ហាច្បាប់ចរាចរណ៍ផ្លូវគោក និងរបៀប នៃការបើកបរនាំមកនូវសុវត្ថិភាព តារាពហុជំនាញ លោក ដួង សុខគា ក៏ធ្លាប់បានបង្ហាញពីគោលបំណងបង្កើតផេកមួយក្នុងការផលិតវីដេអូអប់រំដាស់តឿនពីច្បាប់ចរាចរណ៍ផងដែរ៕

អត្ថបទ ៖ ចាន់រ៉ា