ជីវិតកម្សាន្ដ

ពេជ្រ ចរណៃ រំភើប ក្រោយបានចូលរួមសម្ដែងនៅក្នុងរបាំក្បាច់បុរាណរឿង “ព្រះបាទជ័យវវ្ម័នទី៧”

បានផុស

៦ ខែ មុន

នៅ

ថ្ងៃអង្គារ ៣ កញ្ញា ២០២៤

ដោយ

កញ្ញា ពេជ្រ ចរណៃ ដែលជាតារាសម្តែង និងគ្រូគុនល្បុក្កតោខ្មែរ បានបង្ហាញអារម្មណ៍រំភើប និងមោទនភាពខ្លាំង បន្ទាប់ពីត្រូវបានជ្រើសរើសចូលរួមសម្ដែងនៅក្នុងរបាំក្បាច់បុរាណរឿង “ព្រះបាទជ័យវវ្ម័នទី៧” ជាលើកទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីតារាស្រីកញ្ញា ពេជ្រ ចរណៃ បានឲ្យដឹងថា ការសម្តែងគឺធ្វើឡើងនៅថ្ងៃទី២៨-២៩ ខែកញ្ញា ឆ្នាំ២០២៤ នៅទីតាំងសាលមហោស្រពកោះពេជ្រ សម្តែង ១ថ្ងៃ គឺមាន ២ពេល នៅវេលាម៉ោង ០៣:០០នាទីរសៀល និងម៉ោង ០៦:០០នា ទីល្ងាច និងមានការលក់សំបុត្រក្នុងការចូលទស្សនាផងដែរ។

តារាសម្ដែង ពេជ្រ ចរណៃ បាននិយាយទៀតថា “នាង ខ្ញុំ ពេជ្រ ចរណៃ ពិតជាមានអារម្មណ៍រំភើបក្រៃលែងដែលបានចូលរួមសម្ដែងនៅក្នុងរបាំក្បាច់បុរាណ (រឿងព្រះបាទជ័យរវ្ម័នទី៧) ជាលើកទី២។ សូមស្វាគមន៍មកកាន់មហោស្រពបុរាណខ្មែររឿង «ព្រះបាទជ័យវវ្ម័នទី៧ ដកស្រង់ត្រង់ឈុតស្នាព្រះហស្ត និងសមិទ្ធផលនៃមហា វីរក្សត្រទាំង ៣ អង្គ» ។

តារាស្រីរូបស្រស់កញ្ញា ពេជ្រ ចរណៃ បានអំពាវនាដែរថា សូមចូលរួមបង្ហាញការគាំទ្រសិល្បៈបុរាណខ្មែរ និងផ្ដល់ជាកម្លាំងចិត្តដល់អ្នកគ្រូ លោកគ្រូ ដោយការចូលរួមទស្សនាផ្ទាំងទស្សនីយភាពដ៏អស្ចារ្យទាំងអស់គ្នា។

គេចាំបានថា តារាសម្តែងកញ្ញា ពេជ្រ ចរណៃ គឺតែងបានចេញមុខបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា ការបង្ហាញក្បាច់គុនល្បុក្កតោ ល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម៕

អត្ថបទ៖ ចាន់រ៉ា