ជីវិតកម្សាន្ដ

លោក ម៉ៃ សុគន្ធ ៖ ខ្ញុំកំពុងដោះស្រាយសំណងដល់ភាគីរងគ្រោះ

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

នៅថ្ងៃទី០៥ ខែកញ្ញា ឆ្នាំ២០២៤ នេះ តាមរយៈបណ្តាញសង្គមហ្វេសប៊ុក លោក ម៉ៃ សុគន្ធ បានបញ្ជាក់ប្រាប់ «កម្ពុជាថ្មី» ថា ពេលនេះលោកកំពុងដោះស្រាយសំណងទៅភាគីរងគ្រោះហើយ ជុំវិញករណីបើករថយន្តគេចគោលដៅត្រួតពិនិត្យជាតិអាកុលបង្កគ្រោះថ្នាក់ចរាចរណ៍បុករះកង់បីចំនួន ២គ្រឿង និងរបាំងថ្មចែកទ្រូវផ្លូវកាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ៃ សុគន្ធ បានប្រាប់ឲ្យដឹងដោយខ្លីថា «ពេលនេះលោកកំពុងដោះស្រាយហើយ ដោះស្រាយដោយសម្រុះសម្រួលជួសជុលកង់បីឲ្យគេវិញគឺ ជួលជុលសងម្ចាស់កង់បីឲ្យស្អាតវិញ»។

ទោះបីជាយ៉ាងណាលោក ម៉ៃ សុគន្ធ មិនទាន់បញ្ជាក់អ្វីបន្ថែមពីនេះទៀតទេ ខណៈពេលនេះលោកកំពុងតែដោះស្រាយករណីនេះ។

គួរបញ្ជាក់ថា តារាចម្រៀងងារកំពូលទិសលោក ម៉ៃ សុគន្ធ បានបើករថយន្តស៊េរីទំនើបម៉ាង LAND CRUISER ព្យាយាមគេចពីគោលដៅត្រួតពិនិត្យអនុវត្ថន៍ច្បាប់ចរាចរណ៍ និងពិនិត្យជាតិអាកុល(គ្រឿងស្រវឹង) រហូតជ្រុលទៅបុករះកង់បីឥណ្ឌាពីរគ្រឿ និងរ៉េចង្កូតបុករបាំងថ្មពុះចែកផ្លូវបន្ថែមទៀត។

ករណីនេះបានកើតឡើងកាលពីវេលាម៉ោងប្រមាណ ១២:២៥ នាទី រំលងអធ្រាត្រ ឈានចូលថ្ងៃទី០៥ ខែកញ្ញា ឆ្នាំ២០២៤ ស្ថិតតាមបណ្ដោយ ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីរាជធានី ។

តាមប្រភពព័ត៌មានបុរសម្នាក់ដែលគេស្គាល់ថាតារាចម្រៀងជាលោក ម៉ៃ សុគន្ធ បានបើករថយន្ដ LAND CRUISER ពាក់ស្លាកលេខ ភ្នំពេញ 2BW-6802 បើកគេចពីគោលដៅត្រួតពិនិត្យជាតិអាកុលពីទីតាំងបឹងបៃតង រហូតមកដល់កន្លែងកើតហេតុខាងលើរួចក៏បានជ្រុលទៅបុករះកង់បីឥណ្ឌាពីរគ្គ្រឿង និងរ៉េចបុករបាំងថ្មពុះចែកផ្លូវ។

ប្រភពបន្តថា ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត និងកង់បីឥណ្ឌាទៅរក្សាទុករង់ចាំការដោះស្រាយនៅពេលក្រោយចំណែកលោក ម៉ៃ សុគន្ធ ត្រូវសមត្ថកិច្ចឃាត់យកទៅធ្វើការសាកសួរបន្ថែម៕

អត្ថបទ៖ ចាន់រ៉ា