ជីវិតកម្សាន្ដ

តារាចម្រៀង ណូយ វណ្ណា ប្រកាសលក់ដីចម្ការតម្លៃជិត ៣០ម៉ឺនដុល្លារ យកលុយចូលនិវត្តន៍

បានផុស

៤ ខែ មុន

នៅ

ថ្ងៃសុក្រ ៦ កញ្ញា ២០២៤

ដោយ

តារាចម្រៀងជើងចាស់លោក ណូយ វណ្ណា ដែលជាប្អូនប្រុសបង្កើតលោក ណូយ វ៉ាន់ណេត ត្រូវបានប្រភពអ្នករង្វង់សិល្បៈទម្លាយថា លោកបានប្រកាសដាក់លក់ដីចម្ការជិតតម្លៃក្បែរ ៣០ម៉ឺនដុល្លារ ដើម្បីយកលុយចូលនិវត្តន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់នៅលើទំព័រហ្វេសប៊ុករបស់តារាសម្តែងលោក សាវិន ហ្វីលីព បានឲ្យដឹងថា តារាចម្រៀងជើងចាស់សំនៀងរណ្ដំចិត្តលោក ណូយ វណ្ណា បានប្រកាសលក់ដីចម្ការរបស់ខ្លួនក្នុងតម្លៃ ២៨ម៉ឺនដុល្លារ ដើម្បីយកលុយចូលនិវត្តន៍ពេលខ្លួនចាស់។

តារាចម្រៀងលោក ណូយ វណ្ណា បានឲ្យដឹងតាមរយៈ ការសួរនាំរបស់លោក សាវិន ហ្វីលីព ដែរថា ការដាក់លក់ដីចម្កានេះដោយសារមានការខ្វះខាតជីវភាពគ្រួសារ ម្យ៉ាងទៀតនៅសល់ខ្លះទៀតទុកពេលចូលនិវត្តន៍ពេលលោកចាស់ទៅ។

សូមជម្រាបថា លោក ណូយ វណ្ណា ដែលត្រូវជាប្អូនប្រុសបង្កើតរបស់លោក ណូយ វណ្ណេត បច្ចុប្បន្ននៅតែចាប់អាជីពចម្រៀងដោយភាគច្រើនលោកច្រៀងនៅតាមហាងពេលរាត្រី។ ក្រៅពីអាជីពច្រៀងលោក ណូយ វណ្ណា សព្វថ្ងៃលោកក៏ប្រកបរបរលក់បាយ និងនំបញ្ចុកនៅម្តុំច្បារអំពៅដើម្បីរកលុយផ្គត់ផ្គង់ជីវភាពគ្រួសារផងដែរ។

តារាចម្រៀងជើងចាស់រូបនេះ កន្លងមកក៏ត្រូវបានប្រភពពីមិត្តភក្តិស្និទ្ធស្នាលក្នុងចង្កោមសិល្បៈទម្លាយដែរថា លោក វណ្ណា ជាជនរងគ្រោះម្នាក់ក្នុងចំណោមជនរងគ្រោះជាច្រើនទៀត ក្នុងការទិញដីទ្បូតិ៍គម្រោងទី៣០ របស់អ្នកស្រី ម៉ន ដានី ខេត្តកំពតផងដែរ៕

អត្ថបទ៖ ចាន់រ៉ា