បាត់មុខយូរ តារាកូរ៉េដ៏ល្បីល្បាញរូបនេះ ត្រូវជាប់ទោសពាក់ព័ន្ធនឹងការប្រើប្រាស់ថ្នាំ…

បន្ទាប់ពីប្រើប្រាស់រយៈពេល២ឆ្នាំ ដើម្បីធ្វើការស៉ើបអង្កេតយ៉ាងលម្អិត ពេលនេះ តារាសម្ដែងប្រុស Yoo Ah In ត្រូវបានតុលាការសម្រេចផ្ដន្ទាទោសជាផ្លូវការហើយ។ រូបលោកត្រូវបានសម្រេចឲ្យជាប់ទោសរយៈពេល១ឆ្នាំ និងផាកពិន័យចំនួន $1490 សម្រាប់ការប្រើប្រាស់ថ្នាំហួសកម្រិត បើទោះបីជាថ្នាំធម្មតាក៏ដោយ។

បើយោងទៅតាមរបាយការណ៍ព័ត៌មានរបស់ The Korea Times បានឲ្យដឹងថា ទោសរបស់តារាសម្ដែងរូបនេះ ត្រូវបានសម្រេចឲ្យកាត់បន្ថយទោសពីរយៈពេល៤ឆ្នាំ​ មកត្រឹមរយៈពេល១ឆ្នាំវិញ។ ចំពោះការឃុំខ្លួន Ah In នឹងធ្វើឡើងភ្លាមៗ រួមជាមួយនឹងការបង់ប្រាក់ពិន័យ។

ជាមួយគ្នានេះ គេបានចោទប្រកាន់រូបលោកពីបទប្រើប្រាស់គ្រឿងញៀនដោយខុសច្បាប់ និងបំផ្លាញភស្តុតាង ដោយបំពានច្បាប់គ្រប់គ្រងគ្រឿងញៀនរបស់ប្រទេសកូរ៉េ”។ តារាប្រុសរុបនេះ មានទម្លាប់ប្រើ sedative propofol ជិតពីររយដង ក្រោមការក្លែងបន្លំនៃនីតិវិធីកែសម្ផស្សពីខែកញ្ញា ឆ្នាំ 2020 ដល់ខែមីនា ឆ្នាំ 2022។

លោកត្រូវបានចោទប្រកាន់ក្នុងខែតុលា ឆ្នាំ 2023 ហើយត្រូវបានគេរកឃើញថាមានពិរុទ្ធភាព ចាប់ពីខែឧសភា ឆ្នាំ 2021 រហូតដល់ខែសីហា ឆ្នាំ 2023។ ទន្ទឹមនឹងនោះ Yoo Ah In ត្រូវ​បាន​ចោទ​ប្រកាន់​ពី​បទ​ទិញ​ថ្នាំ​ងងុយ​ដេក​ជាង ១០០០ គ្រាប់​ដោយ​ខុស​ច្បាប់​ ក្រោម​ឈ្មោះ​ក្លែងក្លាយ ៤៤ ដង និង​ជក់​កញ្ឆា​នៅ​សហរដ្ឋ​អាមេរិក​ជាមួយ​មនុស្ស ៤ នាក់​ តុលាការ​ក៏​បាន​រក​ឃើញ​ថា​ លោកមាន​ទោស​ផង​ដែរ៕

ប្រភព៖ Kdrama Stars