រឿង «​យុទ្ធសិល្ប៍ស៊ុនអ៊ូខុង» ឆ្នាំ១៩៨៦ ល្បីល្បាញទូទាំងពិភពលោក តែការពិតផ្ទុករឿងអាស្រូវជាច្រើន

ភាពយន្ត “Journey to the West ឬយុទ្ធសិល្ប៍ស៊ុនអ៊ូខុង​ ដែលផលិតក្នុងឆ្នាំ ១៩៨៦ បានចាក់ផ្យាយយ៉ាងទូលំទូលាយ និងដឹកនាំដោយលោកស្រី Jie Yang ជាបុគ្គលរួមចំណែកដ៏ធំបំផុតក្នុងការបង្កើតស្នាដៃបុរាណ ប៉ុន្តែបែរជាមានរឿងអាស្រូវ​មិនចុះសម្រុងជាមួយតួ ហើយប្តេជ្ញាថានឹងមិនមើលភាពយន្តមួយនេះដាច់ខាត។

យោងតាម ១៦៣ ខ្សែភាពយន្ត យុទ្ធសិល្ប៍ស៊ុនអ៊ូខុង​ ​​បានជួបប្រទះការលំបាកជាច្រើនដោយសារកង្វះថវិកា និងឧបករណ៍។ អ្នក​ដឹក​នាំ​ស្រី Jie Yang ជា​អ្នក​ដែល​ចូល​រួម​ចំណែក​ច្រើន​បំផុត​ក្នុង​ការ​ជោគជ័យ។ ប៉ុន្តែ​គាត់បាន​រង​ការ​ឃ្លាត​ឆ្ងាយ​ពី​ការ​ក្បត់​របស់​តួ​សំខាន់។ នេះ​ក៏​ជា​ហេតុផល​ដែល​អ្នកដឹកនាំ​រឿង​ស្រី​ ​មិន​ស្រលាញ់​កូន​ៗដែល​គាត់ខំ​បង្កើត​យ៉ាងលំបាកមក។

នៅក្នុងជីវប្រវត្តិរបស់​​ Jie Yang អ្នកដឹកនាំរឿង Journey to the West បាននិយាយអំពីការលំបាកដែលគាត់បានជួបប្រទះក្នុងពេលផលិតខ្សែភាពយន្ត។ ដោយ​សារ​តែ​ខ្វះ​ថវិកា នាយក​ស្រី​ត្រូវ​ចំណាយ​លើ​អាហារ​ចេញ​ពី​ហោប៉ៅ​ខ្លួន​ឯង។ គម្រោង​បាន​ដល់​វគ្គ​ទី១១ ហើយ​អស់​លុយ​ ដូច្នេះគាត់ត្រូវ​រត់​ទៅ​គ្រប់​ទី​កន្លែង​ដើម្បី​ស្វែង​រក​អ្នក​ឧបត្ថម្ភ។ ជាចុងក្រោយ ក្រុមការងារភាពយន្តបានសហការជាមួយនាយកដ្ឋានឌីជីថលទី១១នៃក្រសួងផ្លូវដែក​ ដើម្បីបញ្ចប់វគ្គទាំង ២៥ ។

កំឡុងពេលកំពុងស្វែងរកទីតាំងសមរម្យសម្រាប់រៀបចំកន្លែងកើតហេតុ ក្រុមការងារផលិតកម្មបានធ្វើដំណើរជុំវិញប្រទេសចិន ដើម្បីធ្វើការស្ទាបស្ទង់មតិ ប៉ុន្តែត្រូវគេរាយការណ៍ថា បានប្រើប្រាស់លុយសាធារណៈសម្រាប់ការកម្សាន្តសប្បាយទៅវិញ។ លុះ​ពេល​គណៈកម្មការ​ត្រួតពិនិត្យ​ចុះ​មក​ស៊ើបអង្កេត ទើប​ការ​លំបាក​របស់​ក្រុម​ការងារ​ភាពយន្ត​ត្រូវ​បាន​មហាជន​ដឹងជា​សាធារណៈ។ យ៉ាងណាក៏ដោយ ភាពលំបាកទាំងនោះមិនសំខាន់ទេ បើប្រៀបធៀបទៅនឹងការក្បត់របស់តួឯកក្នុងរឿង ជាមួយអ្នកដឹកនាំរឿង Jie Yang ។

ដ្បិតថាយ៉ាងនេះក្ដី បន្ទាប់ពីបញ្ចប់វគ្គទីមួយនៃភាពយន្ត តួសម្តែងមានភាពល្បីល្បាញពាសពេញពិភពលោក ហើយសូម្បីតែព្រឹត្តិការណ៍នៅប្រទេសសិង្ហបុរីបានអញ្ជើញក្រុមការងារភាពយន្តឲ្យទៅបង្ហាញមុខក៏ដោយ។ នៅពេលដែលអ្នកដឹកនាំរឿង Jie Yang​ បានប្រមូលផ្តុំគ្នាដើម្បីហាត់សម នោះ​ Liu Xiao Ling Tong (សម្តែង ស៊ុន អ៊ូខុង), Ma Dehua (សម្តែងតួជ្រូក) និង Yan Huaili  (សម្តែងតួអរក្សទឹក) បែរជាបដិសេធមិនអាចចូលរួមក្នុងព្រឹត្តិការណ៍មួយនោះបាន ដោយសារពួកគេឈឺព្រមគ្នា។ ប៉ុន្តែការពិតគឺថា ពួកគេត្រូវបានអញ្ជើញឲ្យថតពាណិជ្ជកម្មដើម្បីរកប្រាក់បន្ថែមទៀតតែប៉ុណ្ណោះ។

នៅពេលដែលអ្នកដឹកនាំស្រីដឹងការពិត គាត់​បាន​រិះគន់​តួអង្គ​សំខាន់​ក្នុងភាពយន្តកំពុងល្បីទាំង​ខឹងសម្បារ។ ប៉ុន្តែ​ដោយ​សារ​តែ​រឿង​នោះ​ហើយ ទើប​តារា​សម្ដែង​មិន​សប្បាយចិត្ត ហើយ​បាន​រាយការណ៍​រឿង​នេះ​ទៅ​កាន់​នាយក​ទូរទស្សន៍​កណ្តាល​ចិន​នៅ​ពេល​នោះ​គឺ Wang Feng តែម្ដង។

លោក Wang Feng និង Jie Yang តែងតែមានទំនាស់គ្នា ដោយលោកបានប្រើអំណាចដើម្បីប្រកាសរំលាយក្រុមការងារភាពយន្ត «​យុទ្ធសិល្ប៍ស៊ុនអ៊ូខុង» ប៉ុន្តែតាមពិត តួសម្តែងសំខាន់ៗនៅតែមាន មានតែការលុបបំបាត់អ្នកដឹកនាំរឿង Jie Yang ។ ក្រោយមកទើបតារាចម្រៀងប្រុសដែលសម្តែងបទចម្រៀងក្នុងរឿងភាគបុរាណមួយនេះ​​ បានរិះគន់​តួ​សម្តែង​ទាំង​ខឹងសម្បា​ថា បើ​មិនមែន​អ្នកដឹកនាំ​រឿង តើពួកគេទាំងនោះ​មានភាពល្បីល្បាញដោយរបៀបណា?

ដោយត្រូវ​គេ​ចាក់​ពី​ក្រោយបែននេះ លោកស្រី Jie Yang ខឹង​យ៉ាង​ខ្លាំង។ នៅឆ្នាំ ១៩៩៤ នៅពេលដែលរឿង «​យុទ្ធសិល្ប៍ស៊ុនអ៊ូខុង» គ្រោងនឹងផលិតវគ្គ២ អ្នកដឹកនាំ CCTV បានឃើញថា គ្មាននរណាម្នាក់អាចកាន់តំណែងជាអ្នកដឹកនាំរឿងបានក្រៅពី Jie Yang ​ទើបពួកគេសម្រេចចិត្តអញ្ជើញគាត់ត្រឡប់មកវិញ។ ដើម្បី​បន្ត​រក្សា​តួនាទី​របស់​ខ្លួន គ្រូ​និង​សិស្ស​ទាំង៣​នាក់​បាន​មក​សុំ​ទោស និង​លុត​ជង្គង់​នៅ​ចំពោះ​មុខ​លោក​នាយកស្រី ដើម្បី​ដោះស្រាយ​ការ​អាក់អន់ចិត្តជាមួយគ្នា។

ទោះយ៉ាងណាក៏ដោយ ការឈឺចាប់នៅតែមានជារៀងរហូត ក្នុងឆ្នាំ ២០១១ ពេលសម្ភាសន៍ក្នុងកម្មវិធីទូរទស្សន៍មួយ លោកស្រីបានសារភាពថា «​ខ្ញុំមិនបានឃើញភាពរុងរឿងនៃ Journey to the West ទេ។ ភាពយន្តនេះគឺជាការឈឺចាប់ជារៀងរហូតនៅក្នុងចិត្តរបស់ខ្ញុំ។ ចាក់​ផ្សាយ​ដំបូង ខ្ញុំ​មិន​បាន​មើល​ទេ ពេល​ខ្ញុំ​បើក​ទូរទស្សន៍ ហើយ​ឃើញ Journey to the West ខ្ញុំ​បាន​ប្ដូរ​ប៉ុស្តិ៍ភ្លាមៗ»។

នៅឆ្នាំ ២០១៧ នៅពេលដែលអ្នកដឹកនាំរឿងស្រីបានទទួលមរណភាព​តួសម្តែងក្នុងរឿងទាំងអស់បានមកគោរពសពគាត់។ ប៉ុន្តែ​ពួកគេ​ត្រូវ​បាន​សាធារណជន​ថ្កោលទោស​ ព្រោះ​នៅ​ក្នុង​ពិធីបុណ្យសព គ្រប់គ្នា​បាន​ឆ្លើយ​ប្រាប់​សារព័ត៌មាន និង​ណែនាំ​គម្រោង​ថ្មីដើម្បីផ្សព្វផ្សាយភាពយន្តថ្មីទៅវិញ។

យ៉ាងណាមិញ យោងតាមលោក Sohu បញ្ចាក់ថា ខ្សែភាពយន្ត «​យុទ្ធសិល្ប៍ស៊ុនអ៊ូខុង» ដែលផលិតក្នុង​ឆ្នាំ១៩៨៦ បានចាក់ផ្សាយឡើងវិញជាង៤ពាន់ដង ដោយកាន់កាប់កំណត់ត្រាសម្រាប់ការងារចាក់ផ្សាយឡើងវិញច្រើនបំផុតនៅក្នុងប្រទេសចិន។ នៅ​ពេល​ចេញ​ផ្សាយ អត្រា​ទស្សនិកជន​របស់​ភាពយន្ត​គឺ ៨៩,៤%។​ ការងារនេះក៏បានជួយអ្នកដឹកនាំរឿង Jie Yang ទទួលបានកិត្តិយសជាអ្នកដឹកនាំភាពយន្ត និងទូរទស្សន៍កំពូលទាំង១០នៅប្រទេសចិនក្នុងយុគសម័យឆ្នាំ ១៩៧៨ ដល់ឆ្នាំ ១៩៨៧។ Journey to the West ក៏បានឈ្នះពានរង្វាន់សម្រាប់ភាពយន្តល្អបំផុតផងដែរ។ ក្រៅ​ពី​នេះ រឿង​នៅ​ពី​ក្រោយ​ខ្នង​របស់​ក្រុម​ផលិត​ភាពយន្ត ក៏​ជា​ប្រធានបទ​ទាក់ទាញ​សម្រាប់​ទស្សនិកជន​ផង​ដែរ៕

អត្ថបទ៖ សាង ស្រីល័ក្ខ

ចុចអាន៖ក្នុងវ័យ ៧៣ ឆ្នាំ តារាចិន Liu Xiaoqing មាន​មិត្ត​ប្រុស ៨ នាក់ និង​ប្តី​ ៤