ជីវិតកម្សាន្ដ

ខាត់ សុឃីម ៖ ខ្ញុំគ្មានសំណាងកើតក្នុងត្រកូលអ្នកមាន តែមានសំណាងកើតក្នុងគ្រួសារបង្រៀនឲ្យស្គាល់គ្រប់រសជាតិ

បានផុស

៧ ខែ មុន

នៅ

ថ្ងៃចន្ទ ៩ កញ្ញា ២០២៤

ដោយ

តារាចម្រៀងពហុជំនាញអ្នកនាង ខាត់ សុឃីម បានលើកឡើងជាការដាស់ស្មារតីដល់អ្នកគាំទ្រ និង ជាពិសេសសម្រាប់ជីវិតខ្លួនឯងធ្លាប់ឆ្លងកាត់ថា អ្នកនាងគ្មានសំណាងកើតក្នុងត្រកូលអ្នកមានទេ តែមានសំណាងកើតក្នុងគ្រួសារបង្រៀនឲ្យស្គាល់គ្រប់រសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីពហុជំនាញដែលអាចលេងបានគ្រប់ទម្រង់ទាំងបុរាណ-សម័យ អ្នកនាង ខាត់ សុឃីម បច្ចុប្បន្នត្រូវបានគេមើលឃើញថា នាងមិនត្រឹមជោគជ័យលើអាជីពសិល្បៈ និងមុខជំនួញនោះទេ ពោលបើនិយាយពីរឿងជីវិតគ្រួសារកាន់តែមានសេចក្តីសុខសុភមង្គលខ្លាំង។

ជាមួយគ្នានេះអ្នកនាង ខាត់ សុឃីម បានលើកឡើងថា “ខ្ញុំគ្មានសំណាងកើតក្នុងត្រកូលគ្រួសារអ្នកមានទេ តែខ្ញុំមានសំណាងដែលបានកើតក្នុងគ្រួសារមួយដែលបង្រៀនឲ្យខ្ញុំស្គាល់គ្រប់រសជាតិឲ្យខ្ញុំចេះតស៊ូ អត់ធ្មត់ ឲ្យចេះស្គាល់ខុសត្រូវ”។

ជាការពិតអ្នកនាង ខាត់ សុឃីម បច្ចុប្បន្នត្រូវបានគេកត់សម្គាល់ថា នាងជាតារាស្រីពហុជំនាញរបស់ខ្មែរមួយរូបដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួន ក៏ដូចជាអាជីពសិល្បៈទាំងសម័យ និងបុរាណជាដើម។

សកម្មភាពនេះ អាចចាត់ទុកថា ជាជោគជ័យដ៏ធំរបស់អ្នកនាង ខាត់ សុឃីម បន្ថែមទៀតបន្ទាប់ពីអាជីពសិល្បៈរបស់នាងបច្ចុប្បន្នកំពុងមមាញឹកនៅតាមបណ្តាកម្មពិធីមង្គលការមួយចំនួន ហើយនាងក៏នៅតែរក្សាបានសន្ទុះនៃការគាំទ្រ និងមានប្រជាប្រិយភាពខ្លាំងមិនចាញ់មិត្តភក្តិរួមជំនាន់ឡើយ៕

អត្ថបទ៖ ចាន់រ៉ា