ជីវិតកម្សាន្ដ

VMAs ឆ្នាំនេះ ប្រជុំជើងដោយកំពូលតារាលំដាប់ពិភពលោក

បានផុស

២ ថ្ងៃ មុន

នៅ

ថ្ងៃព្រហស្បតិ៍ ១២ កញ្ញា ២០២៤

ដោយ

ការបង្ហាញខ្លួនរបស់ Taylor Swift, Lisa, Camila Cabello, Katy Perry បានប្រែក្លាយកម្មវិធី MTV Video Music Awards (VMAs) ឆ្នាំ ២០២៤ ឲ្យក្លាយជាព្រឹត្តិការណ៍ដ៏ក្ដៅគគុកបំផុត នៅថ្ងៃទី ១២ ខែកញ្ញា។

កម្មវិធីប្រគល់ពានរង្វាន់ VMAs ឆ្នាំនេះ គឺជាព្រឹត្តិការណ៍កម្សាន្តមួយដែលបានផ្ទុះឡើងនៅលើបណ្តាញសង្គម ដោយសារតែការបង្ហាញខ្លួនរបស់តារាកំពូលរបស់ពិភពលោក។ ការសម្តែងលើកម្រាលព្រំពណ៌ខ្មៅដ៏ធំរបស់ Taylor Swift, Lisa, Camila Cabello, Katy Perry, LE SSERAFIM បានធ្វើឲ្យទស្សនិកជននៅគ្រប់ទីកន្លែង មានការប្លែកភ្នែកប្លែកអារម្មណ៍ខ្លាំងសឹងមិនធ្លាប់ឃើញីមុនមក។

មិនត្រឹមប៉ុណ្ណឹងនោះទេ នៅក្នុងព្រឹត្តិការណ៍ Lisa បានក្លាយជាចំណុចកណ្តាលនៃការចាប់អារម្មណ៍ជាមួយនឹងសម្រស់ដ៏ស្រស់ស្អាតរបស់នាង សក្តិសមដូចទេពធីតា ប៉ុន្តែស៊ិចស៊ីមិនតិចនោះទេ ដោយរូបនាងបានស្លៀករ៉ូបរាងស្លីមជាមួយនឹងផ្នែកខាងលើនៃខ្លួនរិបដើមទ្រូង និងការរចនាម៉ូដដែលឱបរាងរាងកាយឲ្យកាន់តែចេញរាងរៅ។ មិនឲ្យចាញ់សមាជិកក្រុម BLACKPINK នោះទេ Taylor Swift ក៏បង្ហាញដើមទ្រូងដ៏ក្តៅគគុករបស់នាងក្នុងសម្លៀកបំពាក់ប្លែកៗខ្លាំងអ្នកណាៗក៏ងាកមើលមកនាងដូចគ្នា។

ដោយឡែក សម្រាប់តារាស្រី Katy Perry, Camila Cabello, Addison Rae និង Halle Baile សុទ្ធតែបង្កើតស្ទីលនៃភាពស្រស់ស្អាតទាក់ទាញភ្នែកនៅលើកម្រាលព្រំពណ៌ខ្មៅនៃកម្មវិធី VMAs 2024រៀងៗខ្លួន។ បន្ថែមពីលើការបង្ហាញពីសម្រស់របស់Katy Perry ក៏ទាក់ទាញការចាប់អារម្មណ៍ពេលកាន់ដៃស្វាមីសង្ហា Orlando Bloom នៅក្នុងព្រឹត្តិការណ៍នោះដែរ។ ជាពិសេស Shawn Mendes, Camila Cabello, និង Sabrina Carpenter ក៏បានជួបគ្នាជាលើកដំបូងផងដែរ បន្ទាប់ពីមានបញ្ហាស្នេហាត្រីកោណកន្លងមក។

សូមទស្សនារូបភាពតារាពិភពលោកជួបគ្នាក្នុងកម្មវិធីតែមួយ៖