ជីវិតកម្សាន្ដ
ម៉េង កែវពេជ្ជតា ហួសចិត្ត ក្រោយមានអ្នកមួយចំនួន យកសំឡេងទ្រខ្មែរមកចំអន់លេងសើច និងស្នើបញ្ឈប់ទង្វើនេះ
ជាថ្មីម្តងទៀតតារាចម្រៀងសំឡេងពិរោះរណ្តុំចិត្ត អ្នកនាង ម៉េង កែវពេជ្ជតា បង្ហាញអារម្មណ៍ហួសចិត្តជាខ្លាំងបន្ទាប់ពីឃើញមានបុគ្គលមួយចំនួន នាំគ្នាលើកយកសំឡេងទ្រមកចំអកលេងសេីច និងបន្ទាបបន្ថោកតម្លៃទ្រ ដែលជាឧបករណ៍ភ្លេងបុរាណខ្មែរ។
កំពូលតារាចម្រៀងជើងចាស់រូបនេះ បានរៀបរាប់ដោយសោកស្តាយ និងបង្ហាញក្តីឈឺចាប់ខ្លាំង បន្ទាប់ពីមានអ្នកដកស្រង់ឈុតមួយ នៃវីដេអូរឿងខ្មែរ ដោយនិយាយថា “ថ្លង់សំឡេងទ្រ រកដេកពួនមិនបាន” ហើយត្រូវបានអ្នកមួយចំនួន បញ្ចេញមតិ និងចែករំលែកបែបចំអកលេងសើចលើបណ្តាញទំនាក់ទំនងសង្គម។
អ្នកនាងបន្តទៀតថា តាមរយៈវីដេអូឈុតខ្លី និងសម្តីអ្នកបញ្ចេញមតិទាំងនោះ អ្នកខ្លះបានប្រេីពាក្យចំអកបន្ទាបបន្ថោកតម្លៃទ្រ ដែលជាឧបករណ៍ភ្លេងបុរាណខ្មែរដ៏ចំណាស់នេះយ៉ាងខ្លាំង រហូតអ្នកខ្លះហ៊ានប្រដូចទៅនឹងរូបភាព ក្នុងន័យមិនល្អទៀតផង។ តារាចម្រៀងស្រីជើងចាស់រូបនេះ យល់ឃើញថា កាយវិការទាំងនេះបានធ្វេីឱ្យប៉ះពាល់ដល់តម្លៃនៃឧបករណ៍តន្ត្រីបុរាណខ្មែរផង និងប៉ះពាល់ដល់ទឹកចិត្ត សតិអារម្មណ៍របស់លោកគ្រូអ្នកគ្រូតន្ត្រីករ (អ្នកលេងភ្លេងបុរាណ លេងទ្រ)ផង។
មួយវិញទៀត អ្នកនាងយល់ថា ការលេងសេីចនេះដែរ ក៏អាចបញ្ជាក់ពីកម្រិតយល់ដឹង ការគោរព និងជាតិសាសន៍ វប្បធម៌និយមរបស់មនុស្សមួយចំនួន គឺនៅមានកម្រិតទាបគួរឱ្យបារម្ភ។ អ្នកនាងសង្កត់ធ្ងន់ថា “សោកស្តាយ និងឈឺចាប់បំផុតដែលខ្លួនជាខ្មែរ តែមិនស្គាល់អ្វីជារបស់ខ្មែរខ្លួនឯង មានរបស់មិនចេះថែ ប៉ុន្តែចូលចិត្តឡាំប៉ានៅពេលគេយកទៅបាត់”។
ក្នុងនាមជាអ្នកសិល្បៈជើងចាស់មួយរូប អ្នកនាង ម៉េង កែវពេជ្ជតា បង្ហើបអារម្មណ៍ខ្លួនថា ក្រោយឃើញការចំអន់លេងសើចបែបនេះដំបូង ខ្លួនខំទប់ចិត្ត អូសរំលង ធ្វេីមេីលមិនឃេីញដែរ ប៉ុន្តែនៅតែមិនអាចធ្វេីចិត្តបាន ព្រោះបើទោះជាបិទភ្នែកយ៉ាងណា ក៏ខ្លួនជាខ្មែរ ម៉្យាងលោកឪពុករបស់អ្នកនាង ក៏ជាស្តេចទ្រសោមួយរូបដែរ ឯអ្នកម្តាយ និងបងប្អូន ក៏ជាតន្ត្រីករ ជាអ្នកចចម្រៀងអាយ៉ៃ សម័យ-បុរាណ ភ្លេងការ មហោរីយីកេ បាសាក់ជាដើម។ ដូច្នេះ អ្នកនាងមិនអាចមិនអេីពេីឡើយ ដោយគ្រាន់តែចង់ទទូចសុំអ្នកក្នុងបណ្តាញសង្គមមួយចំនួន មេត្តាបញ្ឈប់សកម្មភាពនេះ។
ទន្ទឹមនេះ អ្នកនាងក៏សូមសំណូមពរទៅកាន់ ក្រសួងវប្បធម៌និងវិចិត្រសិល្បៈ រួមនិងស្ថាប័នពាក់ព័ន្ធ ជួយបញ្ឈប់រាល់សកម្មភាពលេងសេីចមិនទំនងជាមួយឧបករណ៍ភ្លេងបុរាណខ្មែរ ឬអ្វីដែលទាក់ទងនឹងសិល្បៈខ្មែរ។ អ្នកនាង សង្ឃឹមដែរថា សារមួយនេះនឹងជួយបណ្តាលចិត្តសាធារណជនដែលយល់ខុសមួយចំនួន ឱ្យបញ្ឈប់រាល់ការគិត និងសកម្មភាពមិនល្អ ហេីយងាគមកជួយគ្នាថែរក្សាការពារឱ្យបានមាំមួន នូវសម្បត្តិវប្បធម៌ខ្មែរ ដេីម្បីឱ្យមានស្នាមញញឹម ដេីរទន្ទឹមនឹងភាពសុីវិល័យនៃឧបករណ៍តន្ត្រីសម័យ ដែលជាឧបករណ៍ភ្លេងរបស់បច្ចឹមប្រទេស។
គួរជម្រាបថា ទ្រ គឺជាឧបករណ៍តន្ត្រីបុរាណខ្មែរ ដែលដេីរតួយ៉ាងសំខាន់ក្នុងបទភ្លេងចម្រៀង ល្ខោន របាំ ក្នុងពិធីខ្មែរ ដែលមិនអាចខ្វះបាន។ ទ្រខ្មែរខ្សែ៣ ទ្រសោ ទ្រអ៊ូ ទ្រឆេ ទាំងអស់នេះ ពេលខ្លះអាចធ្វេីជាតួឯកទៀតផង ទៅតាមទម្រង់នៃបទភ្លេងចម្រៀង ហើយបើនៅក្នុងពិធីរៀបមង្គលការ ទ្រសោ គឺជាតួឯកសម្រាប់នាំមុខគេ។ សូមបញ្ជាក់ថា ទ្រ នៅ មានតួនាទីជាច្រេីនទៀត និងស្ទេីតែលេីសឧបករណ៍តន្ត្រីបុរាណខ្មែរដទៃទៀតផង៕
អត្ថបទ៖ ចាន់រ៉ា
-
ព័ត៌មានអន្ដរជាតិ៣ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ២៣ ម៉ោង ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២៣ ម៉ោង ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
ព័ត៌មានអន្ដរជាតិ៤ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍១ សប្តាហ៍ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម៥ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ១ ថ្ងៃ ago
ហាណូយ ប្រកាសអាសន្នថែមមួយកម្រិតទៀត ដែលជាកម្រិតធ្ងន់ ព្រោះទឹកជំនន់