ជីវិតកម្សាន្ដ

ផលិតករបញ្ជាក់ថា រឿង”ប្រវត្តិស្នេហ៍នាងនាថ” វគ្គ ១ ខាតដើម សង្ឃឹមវគ្គ ២ មានកំណើនគាំទ្រច្រើនជាងមុន

បានផុស

៧ ខែ មុន

នៅ

ថ្ងៃសុក្រ ១៣ កញ្ញា ២០២៤

ដោយ

លោក លៀក លីដា ដែលជាផលិតករ និងអ្នកដឹកនាំសម្តែងភាពយន្តល្បីឈ្មោះ បានចេញមកបញ្ជាក់ថា ការចាក់បញ្ចាំងរឿង”ប្រវត្តិស្នេហ៍នាងនាថ” នៅវគ្គ ១ គឺមានការខាតដើមបន្តិចបន្តួច ដូច្នេះលោកសង្ឃឹមថា ពេលចាក់បញ្ចាំងវគ្គ ២ នឹងមានកំណើនគាំទ្រច្រើនជាងមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា នៃការបញ្ជាក់នេះដែរ លោក លៀក លីដា បានអំពាវនាវដោយបំផុសចលនាមហាជនឲ្យចូលរួមគាំទ្រស្នាដៃភាពយន្តរបស់ខ្មែរ ពិសេសរឿង”ប្រវត្តិស្នេហ៍នាងនាថ” ដែលជាស្នាដៃរបស់លោក ដើម្បីជាកម្លាំងចិត្តដល់ក្រុមផលិត រួមទាំង investors បានទុនផលិតរឿងមានគុណភាពបម្រើអារម្មណ៍ទស្សនិកជនបន្តទៀត។

ផលិតករ លៀក លីដា បានឲ្យដឹងថា «វគ្គមួយ យើងខាតលុយបន្តិចបន្តួច ប៉ុន្តែក្រុមផលិត និង investor របស់យើងសប្បាយចិត្តនូវលទ្ធផលដែលបងប្អូនចូលរួមគាំទ្រ និងមានការលើកសរសើរគ្រប់ៗ គ្នា។ សង្ឃឹម ថា វគ្គ ២ នេះ នឹងមានកំណើន នៃការគាំទ្រកើនឡើងច្រើនជាងវគ្គ ១ ដើម្បីឲ្យក្រុមផលិតរបស់យើងខ្ញុំ រួមទាំង investors បានទុន ដើម្បីផលិតរឿងដែលមានគុណភាពល្អៗបន្តទៀត»។

ផលិតករភាពយន្ត និងជាអ្នកដឹកនាំសម្តែងរឿង លោក លៀក លីដា កន្លងមក បានចាត់ទុកថា វិស័យសិល្បៈ និងភាពយន្ត គឺជាផ្លូវយ៉ាងសំខាន់ ដើម្បី Promote ប្រទេសកម្ពុជាទៅកាន់ឆាកអន្តរជាតិ។ ក្នុងនោះ លោក លៀក លីដា ក៏បានទទូចឲ្យមានការចូលរួមគាំទ្រ និងលើកកម្ពស់វិស័យភាពយន្តជាតិកាន់តែផុសផុល។

គួររម្លឹកថា លោក លៀក លីដា ធ្លាប់បាននិយាយដែរថា រឿងប្រវត្តិស្នេហ៍នាងនាថ ត្រូវបានចងក្រង និងប្រមូលអ្វីដែលដូនតាបានបន្សល់ទុកឲ្យ ហើយនៅក្នុងសាច់រឿងនេះទាំងមូល បានបង្កប់នូវសិល្បៈ វប្បធម៌របស់ខ្មែរ ជាពិសេសខ្លឹមសារ នៃការអប់រំ និងតម្លៃ នៃសន្តិភាព៕

អត្ថបទ ៖ ចាន់រ៉ា