នី មុន្នីនាថ អំពាវនាវពលរដ្ឋ រួមគ្នាជួយគាំទ្រអ្នកដែលខិតខំការពារព្រៃឈើនៅកម្ពុជា

តារាសម្តែង និងជាប្រធានមូលនិធិផ្តល់ឈាម កញ្ញា នី មុន្នីនាថ បានចេញមុខអំពាវនាវដល់សប្បុរសជន និងប្រជាពលរដ្ឋខ្មែរគ្រប់រូប ចូលរួមគាំទ្រអ្នកដែលខិតខំការពារព្រៃឈើនៅក្នុងប្រទេសកម្ពុជា តាមរយ:ការលើកទឹកចិត្ត ឬឧបត្ថម្ភជាដើម។

ការអំពាវនាវនេះ ធ្វើឡើងបន្ទាប់ពីការស្នើសុំការគាំទ្រ និងការចូលរួមឧបត្ថម្ភលើកទឹកចិត្តពីសំណាក់លោក តាន់ គីមសួរ ដែលគេស្គាល់ថា លោកជាបុគ្គលម្នាក់ដែលតែងសកម្មភាពក្នុងបេសកម្មការពារព្រៃឈើ និងបំផុសការដាំកូនឈើ។

ដោយឃើញការខិតខំតស៊ូក្នុងការរួមចំណែកការពារព្រៃឈើ ក្នុងគ្រាកន្លងមក កញ្ញា នី មុន្នីនាថ បានលើកទឹកចិត្តលោក ដោយចូលរួមថវិកាខ្លះ ដើម្បីបន្តនូវសកម្មភាពមនុស្សធម៌បែបនេះបន្តទៀត ។

តារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែង តែឃើញនាងបង្ហាញសារចូលរួមបំផុសស្មារតីដល់ប ងប្អូនប្រជាពលរដ្ឋខ្មែរនិងសិល្បក រ-សិល្បការិនីក្នុងកិច្ចការងារសង្គមដូចជាការចូលរួមបរិច្ចាគឈាមជួ យសង្គ្រោះអាយុជីវិតអ្នកដែលត្រូវការឈាមបន្ទាន់ ផ្សព្វផ្សាយការអប់រំផ្សេងៗជាដើម។

គួរបញ្ជាក់ថាក្រៅពីកញ្ញា នី មុន្នីនាថ កន្លងមកគេឃើ ញតារា៣ដួងទៀតដែលតែងតែបង្ហាញនូវសកម្មភាពស្រលាញ់បរិស្ថាននិងដាំកូនឈើក្នុងនោះគឺ អ្នកនាងមាស សុខសោភា ,លោក​តាន់ គីមសួរ និង លោក គួ ច ខេវិន ផងដែរ៕

អត្ថបទ៖ ចាន់រ៉ា