ជីវិតកម្សាន្ដ

តារាសម្ដែង វ៉ាន់ វល័ក្ខ ៖ អង្គរវត្តជាដែនដីក្នុងបេះដូងប្រជាជនកម្ពុជា

បានផុស

៥ ខែ មុន

នៅ

ថ្ងៃចន្ទ ១៦ កញ្ញា ២០២៤

ដោយ

តារាសម្ដែងសាច់ខ្ចីនិយមចូលចិត្តស្លៀកពាក់សិចស៊ី កញ្ញា វ៉ាន់ វល័ក្ខ ថ្មីៗ នេះ បានលេចវត្តមានយ៉ាងស្រស់ស្អាតនៅលើទឹកដីដ៏អច្ឆរិយប្រាសាទអង្គរវត្ត នៃខេត្តសៀមរាបរបស់ព្រះរាជាណាចក្រកម្ពុជា ដើម្បីរំលេចខ្លួនក្នុងការចូលរួមផ្សព្វផ្សាយទៅកាន់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេដឹងដែរថា កញ្ញា វ៉ាន់ វល័ក្ខ បន្ទាប់ពីសាងបានភាពល្បីឈ្មោះនៅលើវិថីសិល្បៈរយៈពេលជាច្រើនឆ្នាំកន្លងមក ស្រាប់តែបាត់វត្តមានពីវិស័យមួយនេះប្រមាណ ២ ឬ ៣ ឆ្នាំ មកហើយ។ ក្រោយរសាត់ខ្លួនឆ្ងាយពីសិល្បៈមួយសន្ទុះ បច្ចុប្បន្នស្រីស្អាត វ៉ាន់ វល័ក្ខ បានចាប់យកអាជីពសម្ដែងឡើងវិញជាមួយឱកាសការងារច្រើនដូចមុន។

ទោះបីជាយ៉ាងណាស្របពេលដែលអាជីពចាស់ចាប់ផ្ដើមមានទីផ្សារសម្តែងឡើងវិញ តារាស្រីកញ្ញា វ៉ាន់ វល័ក្ខ ក៏បានបង្ហាញខ្លួនដោយការចូលរួមថតផ្សព្វផ្សាយនៅតំបន់ទេសចរណ៍ដ៏អស្ចារ្យ នៃទឹកដីខេត្តសៀមរាបដូចសិល្បករ-សិល្បការិនីឯទៀតផងដែរ។ កញ្ញា វ៉ាន់ វល័ក្ខ បានបញ្ចេញវីដេអូខ្លីមួយថតនៅមុខប្រាសាទអង្គរវត្តភ្ជាប់ខ្លឹមសារថា “អង្គវត្តជាដែនដីក្នុងបេះដូងប្រជាជនកម្ពុជា”។

ជាការពិតថ្វីត្បិតពេលនេះមានការមមាញឹកអាជីពសិល្បៈ និងការរកស៊ីផ្ទាល់ខ្លួន តែតារាសម្តែងមានដើមកំណើតពីទឹកដីខេត្តកំពង់ធំកញ្ញា វ៉ាន់ វល័ក្ខ នៅតែឆ្លៀតពេលដើម្បីចូលរួមលើកស្ទួយវិស័យវប្បធម៌ និងទេសចរណ៍របស់ជាតិផងដែរ។ ដោយឡែកសម្រាប់អាជីពសិល្បៈបច្ចុប្បន្នរបស់នាង ត្រូវបានមហាជនយល់ថា វ៉ាន់ វល័ក្ខ នៅតែមិនដាច់អាល័យពីអាជីពរបស់ខ្លួន ទើបនាងវិលរកឆ្នាំងចាស់ជាថ្មី៕

អត្ថបទ ៖ ចាន់រ៉ា