យប់មិញ iShowSpeed អបអរជាមួយប្រជាជនកម្ពុជា ខណៈទទួលបាន ៣០លាន subscribers

ខណៈកំពុងផ្សាយផ្ទាល់ពីក្រុងសៀមរាប (streaming) នៅថ្ងៃទី ១៦ ខែកញ្ញា ពី Channel Youtube របស់ខ្លួន iShowSpeed ទទួលបានអ្នក subscribe លោករហូតដល់ ៣០លាននាក់ ។ ក្នុងនោះ ក៏មានវត្តមានកូនប្រុសអ្នកជំនួញរបស់កម្ពុជា Eric ក៏ដូចជាកញ្ញា សុគា គឹមលាង (Kon Ant) នាដការរបាំ ចូលរួមអបអរ និងផ្តល់កាដូអនុស្សាវរីយ៍ជូនលោកផងដែរ។

តាមរយៈវីដេអូកំពុងផ្សាយផ្ទាល់ពីកម្ពុជា ishowspeed បានធ្វើដំណើរពេញផ្លូវ Pub Street និងទទួលបបានស្វាគមន៍ខ្លាំងពីអ្នកគាំទ្រនៅក្រុងសៀមរាប ទន្ទឹមនឹងចំនួននៃអ្នក subcribe Channel Youtube របស់លោកកើនឡើងរហូត។ ការផ្សាយផ្ទាល់នេះ បានបន្តរហូតដល់ពេលចំនួនកើនដល់ជាង ២៩លាន subscriber លោកក៏បានឡើងឈរលើដំបូងឡាន ដោយមានអ្នកគាំទ្រដែលជនជាតិខ្មែរ ឈរអបអរជាមួយនឹងសំឡេងស្រែកហ៊ោយ៉ាងខ្លាំង។

លុះពេលដែលគោលដៅ ៣០លាន subscriber របស់លោកដល់ចំណុច ishowspeed ក៏ទម្លាក់ទូរស័ព្ទ ដោយនិយាយពាក្យថា “៣០លាន” និងផ្តេកខ្លួនទៅលើអ្នកគាំទ្រដោយក្តីរំភើប។

ជាមួយនឹងសកម្មភាពកក់ក្តៅដែលអ្នកគាំទ្រកម្ពុជា ធ្វើជូនលោកនេះ ត្រូវបានបណ្តាអ្នកគាំទ្ររបស់លោកឯនាយសមុទ្រ បានកោតសរសើរចំពោះប្រជាជនកម្ពុជាផងដែរ។

គួរជម្រាបថា វត្តមានរបស់ iShowSpeed នៅកម្ពុជានេះ គឺក្នុងដំណើរចូលរួមព្រឹត្តិការណ៍ Gumball 3000 ដែលបានឆ្លងកាត់ព្រះរាជាណាចក្រកម្ពុជា រយៈពេល ៣ថ្ងៃ ចាប់តាំងពីថ្ងៃទី១៥ ខែកញ្ញា ហើយគ្រោងនឹងបញ្ចប់នៅថ្ងៃទី១៧ ខែកញ្ញា ឆ្នាំ២០២៤ មុននឹងក្បួននេះចាកចេញបន្តទៅកាន់ប្រទេសថៃ៕