ជីវិតកម្សាន្ដ

បាត់មុខយូរ តារាសម្តែងតៃវ៉ាន់ Joey Wong បង្ហាញមុខដ៏កម្រលើទឹកដីកំណើត

បានផុស

៦ ខែ មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

តារាសម្តែងតៃវ៉ាន់ Joey Wong ទាក់ទាញការចាប់អារម្មណ៍ បន្ទាប់ពីបង្ហាញខ្លួនជាសាធារណៈដ៏កម្រនៅក្នុងទឹកដីកំណើតរបស់នាង សម្រាប់ពិធីបុណ្យពាក់កណ្តាលរដូវស្លឹកឈើជ្រុះឬសែននំព្រះខែ ក្រោយប្រើជីវិតរស់នៅប្រទេសកាណាដាជាច្រើនឆ្នាំមកហើយ។

យោងតាមគេហទំព័រ Next Apple កាលពីថ្ងៃទី ១៦ ខែកញ្ញា ភោជនីយដ្ឋានបួសនៅ Taichung បានចែករំលែករូបថតក្រុមនៅលើប្រព័ន្ធផ្សព្វផ្សាយសង្គមជាមួយ តារាស្រីរូបនេះដោយបង្ហាញពីកិត្តិយសរបស់ពួកគេក្នុងការធ្វើជាម្ចាស់ផ្ទះស្វាគមន៍នាង។ Joey Wong ត្រូវបានគេមើលឃើញញញឹមដាក់បុគ្គលិក និងអ្នកគាំទ្រ។ នេះជាការឃើញដ៏កម្រមួយរបស់មនាងដែលបានរស់នៅក្នុងប្រទេសកាណាដា ហើយនៅតែអវត្តមានពីឧស្សាហកម្មកម្សាន្តអស់រយៈពេលជាងពីរទសវត្សរ៍។

ការបង្ហាញខ្លួនរបស់តារាស្រីជាប់រហស្សនាមថាជាស្រីស្អាតដាច់គេ បានក្លាយជាប្រធានបទមួយដែលត្រូវបានគេមើលច្រើនបំផុតនៅលើ Weibo ដោយមានអ្នកគាំទ្របង្ហាញអារម្មណ៍រំភើបដោយនិយាយថា វាពិតជាអស្ចារ្យណាស់ដែលបានឃើញ idol របស់ខ្ញុំក្នុងអំឡុងពេលពិធីបុណ្យពាក់កណ្តាលរដូវស្លឹកឈើជ្រុះ, ខ្ញុំចាំបានថា កាលនៅតូចនាងគឺជាតារាស្រីតំណាងឲ្យមនុស្សស្រីទាំងអស់លើអេក្រង់ទូរទស្សន៍។

ទោះជាយ៉ាងណាក៏ដោយ អ្នកខ្លះបានកត់សម្គាល់ការផ្លាស់ប្តូររូបរាងរបស់នាង ដែលធ្វើឲ្យមានពាក្យចចាមអារ៉ាមថា នាងបានខូចមុខក្នុងគ្រោះថ្នាក់ចរាចរណ៍កាលពី១០ ឆ្នាំមុន។ តារាស្រីវ័យ៥៧ឆ្នាំ ធ្លាប់បានបដិសេធពាក្យចចាមអារ៉ាមបែបនេះ ដោយនិយាយថា ខ្លួននៅតែមានសុខភាពល្អ ហើយមិនដែលមានគ្រោះថ្នាក់អ្វីទេ។ នាពេលនេះនាងគ្រាន់តែចង់ដឹកនាំជីវិតសាមញ្ញ និងសន្តិភាព ព្រោះភាពសាមញ្ញនាំមកនូវសុភមង្គលបំផុតក្នុងជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កើតនៅឆ្នាំ ១៩៦៧ នៅទីក្រុងតៃប៉ិ តារាស្រីជាប់ឈ្មោះជាសម្រស់ទីមួយនៃអាស៊ីបានល្បីឈ្មោះក្នុងឆ្នាំ ១៩៨៧ ជាមួយនឹងរឿង A Chinese Ghost Story ដែលរួមសម្ដែងដោយ Leslie Cheung។ ចាប់តាំងពីពេលនោះមក នាងបានបង្កើតរលកនៅក្នុងពិភពលោក ដោយដើរតួក្នុងរឿងល្បីៗជាច្រើនដូចជា City Hunter, Butterfly and Sword និង Butterfly and Sword ជាភាពយន្តចុងក្រោយបង្អស់ដែលរូបនាងនិយាយលាពីអាជីពសម្ដែងសម្ដែងជារៀងរហូត៕