ជីវិតកម្សាន្ដ
“ចាប៉ីផ្អែម” បទថ្មីអ្នកនាង ម៉េង កែវពេជ្ជតា រួមសម្តែងនឹងកូនស្រី ក្នុងន័យផ្សព្វផ្សាយកេរដំណែលដូនតាខ្មែរ ទៅកាន់ពិភពលោក
អ្នកនាង ម៉េង កែវពេជ្ជតា ទើបតែបញ្ចេញបទចម្រៀងថ្មីមួយដ៏មានអត្ថន័យ ចំណងជើង “ចាប៉ីផ្អែម” ដោយផ្តិតយកទីតាំងប្រាសាទអង្គរ ក្នុងសម្លៀកបំពាក់បុរាណខ្មែរ និងរួមបញ្ចូលសំឡេងចាប៉ីដងវែង ដេញផ្ទាល់ដោយកូនស្រីរបស់អ្នកនាង គឺកុមារី ម៉េងពេជ្ជតា សង្វាពេជ្រ ហៅ អូនផ្អែម។
ជាមួយនឹងកាយវិការល្វតល្វន់ រួមនឹងសំនៀងដ៏ស្រទន់ តារាចម្រៀងសំនៀងតូចផ្អែម ម៉េង កែវពេជ្ជតា បានបង្ហាញភាពសមសួនក្នុងឈុតបុរាណខ្មែរ បូករួមនឹងខ្លឹមសារចម្រៀងដែលមានន័យបំផុសឱ្យរួមគ្នាលើកតម្កើងកេរតំណែល ដូនដូនតាខ្មែរបានបន្សល់ទុក ឱ្យស្ថិតនៅល្អផូរផង់ជាដរាប។ ក្នុងនោះ អ្នកនាងបានរំលេចនូវឧបករណ៍ភ្លេងបុរាណខ្មែរដ៏សំខាន់ គឺចាបុីដងវែង ដែលត្រូវបានដាក់បញ្ចូលក្នុងបញ្ជីបេតិកភណ្ឌអរូបីនៃមនុស្សជាតិ ដេញដោយកុមារី ម៉េងពេជ្ជតា សង្វាពេជ្រ នៅមុខប្រាសាទអង្គរវត្ត ដ៏ល្បីល្បាញលើពិភពលោក។
មួយបទនេះ អ្នកនាង ម៉េង កែវពេជ្ជតា បានធ្វើឱ្យសាធារណជន ពិសេសអ្នកគាំទ្ររបស់អ្នកនាង បង្ហាញក្តីរំភើបនិងមោទនភាពជាខ្លាំងក្នុងនាមជាខ្មែរ។ ក្នុងនោះគណនីហ្វេសប៊ុក បានបញ្ចេញមតិថា “រួមគ្នាចែករំលែក និងផ្សព្វផ្សាយស្នាមញញឹមនៃកម្ពុជា ទៅកាន់ពិភពលោក បទចម្រៀង ចាបុីផ្អែម ពិតជាអស្ចារ្យខ្លាំងណាស់ ក្នុងការចូលរួមថែរក្សាមរតកវប្បធម៏ជាតិខ្មែរ ជាពិសេសប្រាង្គប្រាសាទអង្គរវត្ត និងឧបករណ៍តន្ត្រីបុរាណខ្មែរ ចាបុី ក្រោមការផលិតយ៉ាងយកចិត្តទុកដាក់សំរិតសំរាំងបំផុត ទើបប្រសូតចេញបានស្នាដៃដ៏អស្ចារ្យមួយបទដោយ កំពូលតារាចម្រៀងសំនៀងមនោសញ្ចេតនាដ៏សែនពីរោះគ្មានពីរបងស្រី ម៉េង កែវពេជ្ជតា និងក្មួយផ្អែម ក្រុមគ្រួសារត្រកូលម៉េង សុំកោតសរសើរដោយស្មោះអស់ពីបេះដូង”។
តាមរយៈបទនេះ អ្នកនាងក៏បានបជ្រាបសារ “ឧទ្ទិសថ្វាយបទចម្រៀងនេះ ថ្វាយនិងជូនដល់ដួងព្រះវិញ្ញាណក្ខន្ធមហាបុព្វបុរសខ្មែរគ្រប់ព្រះអង្គ គ្រប់រូប ដែលលោកបានកសាងប្រាង្គប្រាសាទជាច្រើន មានតម្លៃថ្លៃឥតគណនា ទុកជាកេរដំណែល និងជាមហាសម្បត្តិជាមោទនភាពដល់ជាតិកម្ពុជាទាំងមូល តគ្រប់ជំនាន់”។
ទន្ទឹមនេះ អ្នកនាង ម៉េង កែវពេជ្ជតា ក៏បានថ្លែងអំណរគុណបំផុត ពីសំណាក់ក្រសួងវប្បធម៌ និងវិចិត្រសិល្បៈ ក៏ដូចជាអាជ្ញាធរជាតិអប្សរា និងសមាគមសិល្បករខ្មែរ ដែលបានសម្រួលសម្រួលធ្វើឱ្យបទចម្រៀងពោរពេញដោយអត្ថន័យនេះអាចចេញជារូបរាងបាន៕
-
ព័ត៌មានជាតិ៤ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៤ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១៩ ម៉ោង ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់