ត្រឹម​ម៉ោង​នេះ ផលិតករម្នាក់និង​តារា​ផលិតកម្ម​ហង្សមាស២នាក់ ​ឆ្លងកូវីដ ១៩

ផលិត​កម្ម​ធំ​លំដាប់​នៅ​កម្ពុជា ហង្សមាស មកដល់​ពេល​នេះ មាន​អ្នក​ឆ្លង​ជំងឺ​កូវីដ-១៩ ចំនួន៣នាក់ និង​ជាប់​សង្ស័យ​ជា​ច្រើននាក់ និងអ្នក​ខ្លះ​ទៀតកំពុង​តាម​ដាន​សុខភាព​ជា​បន្ដ។

ក្នុងនោះ​រួម​មាន​អ្នក​ដឹក​នាំ​ថតស្ដត​ពាណិជ្ជកម្ម ឈ្មោះ ទីតូ ធ្វើ​តេស្ដ​វិជ្ជមាន​កាល​ពី​ម្សិលមិញ អ្នក​នាង កែវ ច័ន្ទនិមល និង​គ្រួសារ បាន​ធ្វើ​តេស្ដ​វិជ្ជមាន​កាល​ពី​យប់មិញ និង​លោក​ ណុប បាយ៉ារិទ្ធ​ ដែល​បញ្ជាក់​វិជ្ជមាន​កូវិដ​នៅព្រឹកនេះ។ លើស​ពី​នេះ​ទៅ​ទៀត អ្នក នាង ឱក សុគន្ធកញ្ញា និង អ្នក​នាង សុគន្ធ និសា កំពុង​តាម​ដាន​សុខភាព​បន្ថែម ទោះ​មិន​បាន​ប៉ះពាល់​ផ្ទាល់ជា​មួយអ្នក​ឆ្លង​កូវីដក៏ដោយ។

គួរ​បញ្ជាក់ថា គិត ត្រឹម​ម៉ោង ០៧:០០ ព្រឹក​ថ្ងៃ ០៩ មីនា មានករណី ឆ្លង​ថ្មី ៤៩ នាក់ ក្នុងនោះ ៤៨ នាក់​ពាក់ព័ន្ធ​ព្រឹត្តិការណ៍ ២០ កុម្ភៈ​។ ក៏​មាន​កុមារពីរនាក់ជាជនរងគ្រោះ​ថ្មីចុងក្រោយ ដែលបានឆ្លងកូ​វីដពីសហគមន៍​៕
​

អត្ថបទ​៖ ផានិត

សូមចុចអាន៖ មួយ​ម៉ោងមុននេះ ពិធីការិនីកែវ ច័ន្ទនិមល បង្ហោះ​រូប​ចេញពី​បន្ទប់ព្យាបាលជំងឺកូវីដ