ជីវិតកម្សាន្ដ

ស្ងាត់ៗ តារា Kpop ជំនាន់ទី៣រូបនេះ ប្រកាសមានផ្ទៃពោះ

បានផុស

២៦ នាទី មុន

នៅ

ថ្ងៃសុក្រ ២០ កញ្ញា ២០២៤

ដោយ

ថ្មីៗនេះ តារាចម្រៀងស្រី Haein ដែលជាសមាជិកក្រុម LABOUM បានប្រកាសប្រាប់ទៅកាន់អ្នកគាំទ្រខ្លួនថា ខ្លួនកំពុងមានផ្ទៃពោះ។ តារារូបនេះបានចែករំលែកនៅលើ Instagram របស់នាង ក្នុងការបង្ហោះមួយដែលមានសូណូក្រាមចំនួនពីរ និងការធ្វើតេស្តផ្ទៃពោះវិជ្ជមានចំនួនពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ Haein បានចែករំលែកថា នាងតែងតែមានគម្រោងចង់បានកូនទីពីរ ប៉ុន្តែវាបានកើតឡើងលឿនជាងការរំពឹងទុក។ គួរបញ្ជាក់ដែរថា Haein បានបង្ហាញខ្លួនជាលើកដំបូងក្នុងនាមជាសមាជិកក្រុម LABOUM ពីការបង្ហាញខ្លួនលើកដំបូងរបស់ក្រុមក្នុងឆ្នាំ 2014 ហើយនៅតែត្រូវបានរាប់បញ្ចូលក្នុងក្រុមនេះ ទោះបីជាពួកគេបានផ្អាកសកម្មភាពក្រុមតាំងពីឆ្នាំ 2022 ក៏ដោយ។

មិនតែប៉ុណ្នោះ រូបនាង ធ្លាប់ត្រូវបានគេប្រកាសថានឹងចូលរួមក្នុងកម្មវិធី Queendom Puzzle ប៉ុន្តែត្រូវបានដកចេញពីកម្មវិធីដោយមិនដឹងមូលហេតុផងដែរ។ បន្ទាប់មកនៅក្នុង ឆ្នាំ2023 Haein ក៏បានរៀបការជាមួយនឹងបុរសសាមញ្ញម្នាក់ ហើយក៏ទទួលបានបុត្រទី1 កាលពីខែឧសភា ឆ្នាំ2024 កន្លងទៅនេះ។

ចំណែកឯ ការមានផ្ទៃពោះកូនទី២របស់នាង គឺខុសគ្នាតែ4ខែតែប៉ុណ្នោះ វាពិតជាមានរយៈពេលលឿនជាងការរំពឹងទុកពិតមែន យ៉ាងណាមិញ Haein ក៏បង្ហាញសេចក្ដីរំភើបចំពោះកូនទី2របស់នាងផងដែរ៕