ជីវិតកម្សាន្ដ

Jennie ត្រូវរិះគន់ព្រាតថាអាក្រក់ជ្រុលពេក ក្រោយបញ្ចេញរូបភាពស៊ិចស៊ី

បានផុស

២ នាទី មុន

នៅ

ថ្ងៃសុក្រ ២០ កញ្ញា ២០២៤

ដោយ

រូបភាពជាច្រើនសន្លឹករបស់តារាចម្រៀងកូរ៉េ Jennie ត្រូវបានចេញផ្សាយដោយ Harper’s Bazaar កាលថ្ងៃទី ១៩ ខែកញ្ញា ក្នុងពេលដែលសមាជិកក្រុម Blackpink បានបង្ហាញផ្នែកថ្មីសម្រាប់ខ្លួននាងជាមួយនឹងសម្លៀកបំពាក់ និងស្ទីលប្លែកៗជាច្រើន ប៉ុន្តែបែរជាទទួលនូវការរីះគន់យ៉ាងខ្លាំង ពីបណ្ដាញអ៉ិនធើណេតទៅវិញ។

មិនត្រឹមតែប៉ុណ្ណឹងទេ តាមរយៈរូបភាពប៉ុន្មានសន្លឹកនោះបានបង្ហាញនូវស្ទីលកាត់សក់ខ្លីដ៏គួរឲ្យភ្ញាក់ផ្អើល ជាមួយនឹងសម្លៀកបំពាក់បែបសិចស៊ីខុសប្លែកពីស្តីលមុនៗ។ ទោះបីជាយ៉ាងណាក៏ដោយ ខណៈដែលអ្នកគាំទ្រអន្តរជាតិចូលចិត្តការថតរូបមានលក្ខណៈបែបនេះ ប៉ុន្តែងាកទៅកាន់អ្នកលេងអ៊ីនធឺណេតកូរ៉េ ពួកគេមិនមានប្រតិកម្មវិជ្ជមានដូចលោកខាងលិចទេ។

មហជនដែលបានទស្សនានូវរូបភាពជាច្រើនរបស់ Jennie បានបង្ហាញភាពភ្ញាក់ផ្អើលយ៉ាងខ្លាំង សឹងមិនជឿថានាងហ៊ានបញ្ចេញរូបភាពសិចស៊ីមួយទំហឹងអួតភ្នែកសាធារណជន។ ជាមួយគ្នានោះដែរ មនុស្សជាច្រើនបានរិះគន់ពីធម្មជាតិនៃសម្លៀកបំពាក់សិចស៊ីរបស់នាង ភាគច្រើនបានរិះគន់អ្នកថតរូបនិងគំនិតនៃរូបភាព ដោយជឿថាពួកគេមិនបានធ្វើឲ្យ Jennie មើលទៅស្អាតទេ។ អ្នកខ្លះថែមទាំងបានអះអាងថា អ្នកថតរូបនោះបានព្យាយាមធ្វើឲ្យតារាស្រី Kpop មើលទៅកាន់តែអាក្រក់លើសមុនទៀត។

លើសពីនេះ អ្នកខ្លះព្រលះនាងថា ទីមួយមើលទៅដូចជាពាក់អាវទ្រនាប់តូចខ្លាំងពេក ហើយអ្នកថតរូបអមដោយសម្លៀកបំពាក់គឺមិនស៊ីគ្នាទាល់តែសោះ។ ចំណែកសំលៀកបំពាក់វិញគឺបង្ហាញជ្រុលពេក ហើយមានអារម្មណ៍ថា អ្នកថតរូបពីតជាមានចេតនាជ្រើសរើសការថតដែលអាក្រក់ជាងមុន ឲ្យនាងមើលទៅគ្មានទាក់ភ្នែកអ្នកទស្សនាសូម្បីតែសន្លឹកណាមួយ៕