ជីវិតកម្សាន្ដ

KBS កូរ៉េទាមទារ Real Madrid ទទួលខុសត្រូវនិងសុំទោស ដែលលុបចោលការប្រគំតន្ត្រីមិនប្រាប់មុន

បានផុស

២ នាទី មុន

នៅ

ថ្ងៃសៅរ៍ ២១ កញ្ញា ២០២៤

ដោយ

ក្រុមការងារដែលនៅពីក្រោយកម្មវិធីតន្ត្រីដ៏ពេញនិយមរបស់ KBS Music Bank បានសម្តែងការមិនពេញចិត្តជាសាធារណៈ ចំពោះការលុបចោលប្រគំតន្ត្រីរបស់ពួកគេភ្លាមៗដោយគ្មានការជូនដំណឹង នៅទីក្រុងម៉ាឌ្រីដ ប្រទេសអេស្ប៉ាញ ហើយអំពាវនាវឲ្យសុំទោសពីក្រុម Real Madrid CF ។

យោងតាមការចុះផ្សាយពី koreatimes បញ្ចាក់ថា ក្រុមនេះបានចេញសេចក្តីថ្លែងការណ៍ផ្លូវការមួយកាលពីថ្ងៃសុក្រ ទាក់ទងនឹងការសម្រេចចិត្តឯកតោភាគីរបស់ Real Madrid ក្នុងការលុបចោលការប្រគំតន្ត្រីនៅកីឡដ្ឋាន Santiago Bernabéu ដែលគ្រោងធ្វើនៅថ្ងៃទី១២ ខែតុលា។ ការលុបចោលនេះ គឺដោយសារតែការត្អូញត្អែរពីអ្នកស្រុកដែលរស់នៅក្បែរកីឡដ្ឋាន នាំឲ្យមានការផ្អាករាល់ព្រឹត្តិការណ៍តន្ត្រី រហូតដល់ខែមីនាឆ្នាំក្រោយ នេះបើយោងតាមរដ្ឋបាលកីឡដ្ឋានបានបញ្ចាក់យ៉ាងដូច្នោះ។

ទោះបីជាយ៉ាងណាក៏ដោយ ក្រុម Music Bank បានសម្តែងការសោកស្តាយយ៉ាងខ្លាំងចំពោះការលុបចោលការប្រគំតន្ត្រីដោយក្រុម Real Madrid ហើយបានបញ្ជាក់យ៉ាងច្បាស់ថា ខ្លួនមិនអាចទទួលយកការសម្រេចចិត្តដែលធ្វើឡើងដោយបំពាន គ្មានការពិគ្រោះយោបល់ជាមុនណាមួយឡើយ។ ទន្ទឹមនឹងនោះ អ្នកគាំទ្ររាប់ពាន់នាក់ដែលបានទិញសំបុត្រចូលរួមព្រឹត្តិការណ៍ បានប្រមូលផ្តុំគ្នាតាមអនឡាញដើម្បីទាមទារឲ្យការប្រគុំតន្ត្រីបន្តដូចការគ្រោងទុក។

មិនត្រឹមប៉ុណ្ណឹងទេ KBS បាននិយាយថា “យើងទាមទារឲ្យមានការពន្យល់ជាផ្លូវការ និងការសុំទោសពី Real Madrid ជាពិសេសទទួលខុសត្រូវផ្នែកសីលធម៌ និងហិរញ្ញវត្ថុពេញលេញចំពោះការបាត់បង់ដែលទទួលរងដោយអ្នកគាំទ្រ K-pop និងសិល្បករដែលបានចំណាយពេលវេលានិងថវិកាយ៉ាងច្រើនដើម្បីចូលរួមការប្រគំតន្ត្រី។

សេចក្តីថ្លែងការណ៍ក៏បានសង្កត់ធ្ងន់ទៀតថា Real Madrid ត្រូវតែទទួលខុសត្រូវចំពោះការខូចខាតដែលបង្កឡើងចំពោះមុខម៉ាកយីហោ Music Bank World Tour ដែលត្រូវបានបង្កើតឡើងក្នុងរយៈពេល១៥ឆ្នាំកន្លងមកនេះ ជាមួយនឹងក្តីស្រឡាញ់ និងការខិតខំប្រឹងប្រែងរបស់អ្នកគាំទ្រ K-pop ទូទាំងពិភពលោក។

ក្រុមហ៊ុន KBS បានបញ្ចាក់យ៉ាងច្បាស់ៗដោយពណ៌នាថា នេះគឺជាសកម្មភាពអយុត្តិធម៌ក្រុមការងារទាំងអស់ និងការខកចិត្តយ៉ាងខ្លាំងពីសំណាក់អ្នកគាំទ្រ K-pop ជាង ៣ ៣០០០នាក់មកពី ៨៧ ប្រទេសដែលបានទិញសំបុត្រសម្រាប់ព្រឹត្តិការណ៍នេះ។ ក្រុម Music Bank ក៏បានអំពាវនាវឲ្យមានការគាំទ្រក្នុងការកំណត់ការប្រគំតន្ត្រីឡើងវិញ និងបង្ហាញពីឆន្ទៈរបស់ខ្លួនក្នុងការពិភាក្សាអំពីសំណើណាមួយពីអាជ្ញាធរ Madrid និងកីឡដ្ឋាន Bernabeu ហើយសន្យាថាខ្លួនហ៊ានធានានឹងដាក់វិធានការជាមួយអ្នករៀបចំក្នុងតំបន់ដើម្បីការពារការតវ៉ាបន្ថែមទៀតពីអ្នករស់នៅក្បែរកន្លែងប្រគំតន្ត្រី៕