គួរឲ្យស្ងើចណាស់ ព្រះនាងតូច ជេនណា បានសម្ដែងទេពកោសល្យសិល្បៈ លើឆាកកម្មវិធីធំចិន

កាលពីថ្មីៗកន្លងទៅនេះ ព្រះនាងតូច នរោត្តម ជេនណា បានបង្ហាញវត្តមាននៅក្នុងកម្មវិធីធំ តំណាងឱ្យប្រទេសកម្ពុជាចូលរួមនៅក្នុងព្រឹត្តិការណ៍ជាតិរបស់សាធារណរដ្ឋប្រជាមានិតចិន គឺ«វេទិកាវប្បធម៌ទីក្រុងប៉េកាំង» ។ នេះជាព្រឹត្តិការណ៍ដ៏អស្ចារ្យដោយមានវត្តមានសិល្បករមកពីប្រទេសចំនួន ៣០ ចូលរួមបង្ហាញវប្បធម៌និងការរួបរួមគ្នាជាសកល។

មិនតែប៉ុណ្នោះ ព្រះនាង បានច្រៀងចម្រៀងមួយបទ ដែលជា Original Song ថ្មីរបស់ទ្រង់ផ្ទាល់ ដែលមានចំណងជើងថា《一起说Hi》។​ នៅក្នុងនោះ ព្រះនាង បានគ្រងសម្លៀកបំពាក់ប្រពៃណីខ្មែរ បង្ហើរសំនៀងដ៏ពីរោះ បង្ហាញនូវទស្សនិយភាពដ៏អស្ចារ្យនៅលើឆាកកម្មវិធីធំមួយនេះ។

ព្រះនាង មិនត្រឹមតែនាំយកនូវវប្បធម៌ជាតិខ្មែរ ដើម្បីបង្ហាញទៅកាន់ប្រទេសដ៏ទៃឲ្យបានស្គាល់នោះទេ ព្រះនាងថែមទាំងធ្វើឲ្យបរទេសសរសើរនូវសមត្ថភាព និង ភាពស្រស់ស្អាតនៃសម្លៀកបំពាក់បុរាណខ្មែរទៀតផង។ ម៉្យាងវិញទៀត ព្រះនាងតូច តែងតែធ្វើឲ្យប្រជាជនខ្មែរមានមោទនភាពជានិច្ច តាមរយៈការខិតខំប្រឹងប្រែងរបស់ព្រះនាង ក្នុងការផ្សព្វផ្សាយប្រទេសកម្ពុជា៕

សូមទស្សនាវីដេអូតាមរយៈលីង៖ Video | Facebook