ជីវិតកម្សាន្ដ

ពេជ្រ សូលីកា បង្ហើបថា នៅពីក្រោយភាពរឹងមាំ មានស្នាមរបួសរាប់មិនអស់

បានផុស

៤ ខែ មុន

នៅ

ថ្ងៃចន្ទ ២៣ កញ្ញា ២០២៤

ដោយ

អ្នកគាំទ្របានដឹងហើយថា តារាចម្រៀង ពេជ្រ សូលីកា កន្លងមកបានឆ្លងកាត់ជីវិតដ៏លំបាក និងការតស៊ូរជាច្រើន ដែលបានបង្រៀងឲ្យនាងកាន់តែមានភាពរឹងមាំសម្រាប់ជីវិតមួយនេះ។ ម្យ៉ាងទៀតគេក៏កត់សម្គាល់ថា ពេជ្រ សូលីកា សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូន ថ្វីត្បិតនាងក្លាយជាស្រ្តីមេម៉ាយក្នុងពេលប៉ុន្មានឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិត ពេជ្រ សូលីកា មួយរយៈចុងក្រោយនេះបានជួបប្រទះនូវរឿងរ៉ាវស្មុគស្មាញមិនសប្បាយចិត្តមួយចំនួន ពោលគឺចាប់តាំងពីមានដំណឹងនៃការបែកបាក់ស្វាមីយ៉ាងណាក្តី ប៉ុន្តែក្តីសង្ឃឹមរបស់នាងបានបង្ហាញពីភាពជឿជាក់ជានិច្ចលើវិថីជីវិតរស់នៅចិញ្ចឹមកូន។ អ្នកនាង សូលីកា បច្ចុប្បន្នក៏គេសង្កេតឃើញថា អ្នកម្ដាយSingle រូបនេះបានរលាស់ខ្លួនចេញពីបញ្ហាមួយចំនួនដោយភាពរឹងមាំ។

ដោយឡែកថ្មីៗនេះអ្នកនាង ពេជ្រ សូលីកា បានបង្ហើបឲ្យដឹងដូច្នេះថា នៅពីក្រោយភាពរឹងមាំមនុស្សម្នាក់ៗ តែងតែមានស្នាមរបួសជាច្រើន ដែលយើងមើលមិនឃើញ ហើយស្នាមរបួសទាំងអស់នោះវាក៏បង្រៀនយើងឲ្យចេះស្គាល់ពីមនុស្សកាន់តែច្បាស់ដូចគ្នា។

ប្រាកដណាស់ បន្ទាប់ឆ្លងកាត់រឿងរ៉ាវជីវិតលំបាកមួយចំនួនទើបតារាចម្រៀង ពេជ្រ សូលីកា ត្រូវបានគេចាត់ទុកដែរថា នាងជាស្រ្តីម្នាក់ដែលមានភាពរឹងមាំគ្រប់ជំហ៊ានទោះបីកន្លងមកតារាស្រីរូបនេះពើបប្រះបញ្ហា ប្រឈមមុខជាច្រើនស្ទើររាប់មិនអស់ផងដែរ។ ខណៈបច្ចុប្បន្ន នាងក៏ទទួលបានការលើកទឹកចិត្តពីអ្នកគាំទ្រជាច្រើន៕

អត្ថបទ៖ ចាន់រ៉ា