ជីវិតកម្សាន្ដ

IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ

បានផុស

១៨ ម៉ោង មុន

នៅ

ថ្ងៃចន្ទ ២៣ កញ្ញា ២០២៤

ដោយ

កាលពីចុងសប្តាហ៍មុននេះ IU បានបញ្ចប់ការប្រគំតន្ត្រីដ៏ធំរបស់នាងក្រោមចំណងជើងថា ‘2024 IU HEREH WORLD TOUR នៅកីឡដ្ឋាន Seoul World Cup ដែលត្រូវបានគេស្គាល់ថាជា Sangam (Stadium) ធំបំផុតរបស់ប្រទេសកូរ៉េ។

ការប្រគំតន្ត្រីនេះបានធ្វើឡើងនៅពហុកីឡដ្ឋានដ៏ល្បីរបស់ទីក្រុងសេអ៊ូល ដែលមានកៅអីអង្គុយចំនួន ៦៦ ៧០៤ រួមទាំងកៅអី VIP ចំនួន ៨១៦ កៅអីសារព័ត៌មានចំនួន ៧៥៤ និងបន្ទប់ឯកជនចំនួន ៧៥។ ក្នុងនាមជាកីឡដ្ឋានដ៏ធំបំផុតក្នុងប្រទេសកូរ៉េ និងជាកន្លែងប្រកួតបាល់ទាត់ដ៏ធំបំផុតមួយក្នុងចំនោមទីលានបាល់ទាត់ធំជាងគេនៅអាស៊ី។ កន្លងមក វាបានរៀបចំការប្រគំតន្ត្រី K-pop មួយចំនួនដែលជ្រើសរើសដោយ Seo Taiji, Boys, Big Bang និង Seventeen ជាដើម ។

យ៉ាងណាក៏ដោយ ឥឡូវនេះ IU បានប្រារព្ធធ្វើការប្រគំតន្រ្តីបែប Solo ឬទោល បានធ្វើឲ្យតារាស្រីវ័យ៣១ឆ្នាំរូបនេះក្លាយជាអ្នកចម្រៀងស្រីដំបូងគេ និងជាអ្នកសិល្បៈទោលទី៣ ដែលមិនធ្លាប់មានចំណងជើងថានៅកន្លែងដ៏ធំនេះ បន្ទាប់ពី G-Dragon និង Lim Young Woong ។

ក្នុងអំឡុងពេលនៃការប្រគំតន្ត្រី IU បានធ្វើឲ្យអ្នកគាំទ្រភ្ញាក់ផ្អើលជាមួយនឹងការចេញផ្សាយបទចម្រៀងថ្មីរបស់នាង “Bye Summer” ។ ព្រឹត្តិការណ៍នេះក៏បានទាក់ទាញទស្សនិកជនដែលចូលរួមដោយតារារួមមាន BTS’ V, G-Dragon, LE SSERAFIM, STAYC, RIIZE និងច្រើនទៀត។

ទន្ទឹមនោះទៀតដែរ អ្នកលេងអ៊ីនធឺណិតបានអបអរសាទរ IU ដោយបានបន្សល់ទុកនូវសារអស់ពីចិត្ត និងសរសើរនាងចំពោះការប្រគំតន្ត្រីដែលមិនអាចបំភ្លេចបាន។ ក្នុងនោះមតិម្នាក់ៗបានបញ្ចាក់ថា នាងពិតជាតារាចម្រៀងដ៏អស្ចារ្យណាស់។ វាជាទស្សនីយភាពមួយដែលតារាស្រី Solo អាចធ្វើបាននោះគឺ IU ៕