ជីវិតកម្សាន្ដ

ម៉េង កែវពេជ្ជតា ថា អ្នកគាំទ្រ ចង់ឲ្យធ្វើ Solo Concert ជាលើកទី ៣

បានផុស

៤ ខែ មុន

នៅ

ថ្ងៃព្រហស្បតិ៍ ២៦ កញ្ញា ២០២៤

ដោយ

អ្នកនាង ម៉េង កែវពេជ្ជតា តារាចម្រៀងជើងចាស់ទឹកសំឡេងមិនចេះរីងស្ងួត បានបង្ហើបឲ្យដឹងថា ដោយមានការសំណូមពរពីសំណាក់អ្នកគាំទ្រទាំងក្នុង និងនៅក្រៅប្រទេស ចង់ឲ្យធ្វើ Solo Concert ជាលើកទី ៣ នោះ អ្នកនាងកំពុងពិចារណាលើរឿងនេះសិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំពូលតារាចម្រៀងសំនៀងមនោសញ្ចេតនាអ្នកនាង ម៉េង កែវពេជ្ជតា បានបញ្ជាក់ថា «ប្រសិនបើខ្លួនរៀបចំព្រឹត្តិការណ៍ Solo Concert នេះជាលើកទី៣ សម្រាប់អ្នកនាងដោយរាប់តាំងពីឆ្នា១៩៩៧ មកនោះ។ អ្នកនាងលើកឡើងថា មាន Fans ជាច្រើនទាំងក្នុងប្រទេស ក្រៅប្រទេសដែលសំណូមពរហើយសំណូមពរទៀតឲ្យខ្ញុំធ្វើ Solo Concert ។ សូមអរគុណណាស់ដែលនៅតែជឿជាក់នាងខ្ញុំ ពេជ្ជតា»។

តារាចម្រៀង ម៉េង កែវពេជ្ជតា បាននិយាយទៀតថមិនចម្លែកទេសម្រាប់អ្នកនាងព្រោះបើសិនជាខ្លួនធ្វើ Solo Concert ក្នុងស្រុកលើកនេះ គឺ ជាលើកទី៣ ហើយរាប់តាំងពីឆ្នា១៩៩៧ មកហ្វេនៗជាច្រើនធ្លាប់បានឃើញ និងចងចាំ។ ចំណែកក្រៅស្រុកវិញមិនបាច់រាប់ទេច្រើនពេកហើយក្នុងមួយលើកៗច្រៀងមិនតិចជាង ៥០បទឡើយមានតែលើសផងមានគ្រប់ចង្វាក់ គ្រប់រស់ជាតិ ឲ្យតែភ្លេងអាចលេងបាន និងអាស្រ័យដោយពេលវេលាដែលគេឲ្យយើង។

តារាចម្រៀងលំដាប់ប្រទេសកម្ពុជាអ្នកនាង ម៉េង កែវពេជ្ជតា បានប្រាប់បន្ថែមទៅកាន់អ្នកគាំទ្រថា ចាំបន្តិចណាFans ចាំខ្ញុំរកបទចម្រៀងសិនមិនដឹងថាត្រូវច្រៀងបទណាទុកបទណីទេ។ យ៉ាងណាមិញមានអ្នកគាំទ្រជាច្រើនបានដាក់ក្តីសង្ឃឹមថាអ្នកនាង ម៉េង កែវពេជ្ជតា នឹងរៀបចំធ្វើ Solo Concert ឆាប់ៗខាងមុខដើម្បីផ្តល់ភាពសប្បាយរីករាយដល់ទស្សនិកជនគ្រប់ស្រទាប់វ័យ។

គេកត់សម្គាល់ឃើញថា អ្នកនាង ម៉េង កែវពេជ្ជតា ថ្វីត្បិតតែបច្ចុប្បន្នមានវ័យរៀងច្រើនបន្តិចក្តីតែតារាស្រីនេះនៅតែរក្សាបានការគាំទ្រ និងមានប្រជាប្រិយភាពសម្រាប់ទីផ្សាចម្រៀងគ្រប់មជ្ឈដ្ឋាន ពោលគឺទទួលបានការគាំទ្រទាំងមនុស្សវ័យចំណាស់ និងមិត្តៗយុវវ័យផងដែរ ខណៈអ្នកនាងត្រូវបានគេចាត់ទុកដែរថាជា រាជនីសម្លេងពិរោះរណ្តុំចិត្ត៕

អត្ថបទ៖ ចាន់រ៉ា