បទល្មើសខ្លះៗ របស់ Diddy តារារ៉េបជើងចាស់ដ៏ល្បីល្បាញ ដែលមានជនរងគ្រោះសុទ្ធតែតារាល្បីៗ

ថ្មីៗនេះ Puff Diddy តារារ៉េបជើងចាស់ដ៏ល្បីល្បាញក្នុងវិស័យ Hip Hop ក្នុងពិភពលោក ដែលមានឈ្មោះពិតថា Sean Combs កំពុងតែទាញចំណាប់អារម្មណ៍មហាជនជាខ្លាំង ពាក់ព័ន្ធទៅនឹងករណីឧក្រិដ្ឋកម្មដ៏នឹកស្មានមិនដល់ ទើបនឹងបែកធ្លាយនៅពេលលោកត្រូវបានចាប់ខ្លួនកាលពីថ្ងៃទី១៦ ខែកញ្ញា ឆ្នាំ២០២៤។

តាមប្រភពជាច្រើនបានទម្លាយថា Diddy បានប្រព្រឹត្តិបទល្មើសជាច្រើន ហើយក៏មានជនរងគ្រោះទាំងបុរស ស្ត្រី កុមារ សូម្បីតែតារាចម្រៀងល្បីៗ ដូចជា Justin Bieber ក៏ធ្លាក់ខ្លួនជាជនរងគ្រោះរបស់លោកផងដែរ។ យោងតាមប្រភពពី Gaxiola &Litwak Law Group បានរាយនៅករណីដែលដាក់ការចោទប្រកាន់ទៅលើ Diddy ដែលក្នុងនោះ​មានដូចជា៖​

ការជួញដូរផ្លូវភេទ

ការចាប់បង្ខំ

ការរំលោភផ្លូវភេទទៅលើកុមារមិនទាន់គ្រប់អាយុ

ការជួញដូរវីដេអូអាសអាភាស

ការប្រើប្រាស់អំពើហិង្សា

ករណីបំផ្លាញទ្រព្យសម្បត្តិឯកជនរបស់តារារ៉េបប្រុស Kid Cudi និង​មានករណីជាច្រើនទៀត

ជាមួយគ្នានេះដែរ តារារ៉េបរូបនេះ ត្រូវបានអស់រិទ្ធនៅពេល Cassie Ventura ជាតារាចម្រៀងស្រីម្នាក់ និងជាអតីតមិត្តស្រីរបស់លោក បានធ្វើការប្ដឹងករណីការចាប់បង្ខំផ្លូវភេទ និងការធ្វើបាបរាងកាយ ដែលធ្វើឲ្យលោកត្រូវបានចាប់ខ្លួន ក្នុងពេលឆែកផ្ទះ ហើយក៏រកឃើញភស្ដុតាងពាក់ព័ន្ធបទល្មើសជាច្រើនបន្ដបន្ទាប់ទៀត។

បច្ចុប្បន្ន Sean Combs ឬ Diddy កំពុងតែត្រូវបានដាក់ឲ្យនៅក្នុងពន្ធនាគារ និង កំពុងតែធ្វើការតវ៉ាក្ដី ពាក់ព័ន្ធនឹងករណីខាងលើ។ យ៉ាងណាមិញ គេបានដឹងថា រូបលោក​មិនអាចគេចផុតពីសំណាញ់ច្បាប់បានទេ បើទោះបីជាខំតវ៉ាក្ដីយ៉ាងណាក៏ដោយ ក៏ព្រោះតែមានសាក្សីជាច្រើន និងមានភស្ដុតាងជាច្រើនចងខ្លួនលោកជាប់ទៅហើយ៕

ប្រភព៖ Gaxiola &Litwak Law Group