ជីវិតកម្សាន្ដ
ដោយសារជីវភាព! តារាសម្តែងជើងចាស់ សម្ភ័ស ប៊ុនសុន នៅតែចេញថតមិនរុញរា ដើម្បីរកលុយព្យាបាលជំងឺ
អតីតតារាភាពយន្តជើងចាស់អ្នកស្រី សម្ភ័ស ប៊ុនសុន ទោះបច្ចុប្បន្នកំពុងមានជំងឺប្រចាំកាយ និងមានវ័យកាន់តែចាស់ តែអ្នកស្រីនៅតែប្រឹងខំត្រដរលក់នំតាមចិញ្ចើមផ្លូវដើម្បីចិញ្ចឹមជីវិត ក្រៅពីឱកាសសម្តែងដែលផលិតករធ្លាប់ផ្តល់ឲ្យអ្នកស្រី។
ក្រៅពីរបរទូលនំលក់តាមផ្សារ និងចិញ្ចើមផ្លូវតារាជើងចាស់រូបនេះ ក៏ទទួលបានឱកាសពីផលិតករដើម្បីថតសម្តែងរឿងខ្លះៗ ដើម្បីបានប្រាក់ចិញ្ចឹមជីវិត និងព្យាបាលជំងឺផងដែរ។ អ្នកស្រីបានឲ្យដឹងថា ថ្វីត្បិតត្រូវចេញថតនៅក្នុងព្រៃភ្នំកាត់ខ្យល់ហាលភ្លៀង ក៏មិនរុញរាដែរ ព្រោះដើម្បីលុយទិញថ្នាំ និងម្យ៉ាងទៀតបានលុយខ្លះ សម្រាប់ធ្វើបុណ្យនារដូវបុណ្យភ្ជុំនេះ។
តារាជើង សម្ភ័ស ប៊ុនសុន បានបញ្ជាក់ប្រាប់ថាដោយ សារតែជីវភាពខ្វះខាតខ្លាំងខ្ញុំបានតស៊ូមកថតទោះជាត្រូវដើរកាត់ភ្លៀង ខ្យល់បក់រងារខ្លាំងអ័ព្ទធ្លាក់ខ្លាំងនារ ដូវវស្សារនៅតំបន់ភ្នំ ដើរអិល ហើយស្អិត ពិបាកដើរក៏ ដោយដើម្បីបានថវិការព្យាបាលជំងឺនិងបានបច្ច័យធ្វើ បុណ្យនារដូវភ្ជុំបិណ្ឌនេះ”។
តារាជើងចាស់រូបនេះ ក៏បានអំពាវនាវសុំជំនួយសប្បុរសធម៌ ដើម្បីជួយដល់អ្នកស្រីផងដែរ ក៏ព្រោះតែពេលនេះ ខ្លួនកំពុងជួបការខ្វះខាតខ្លាំង។ សម្រាប់សប្បុរសជន ដែលមានបំណងជួយអ្នកស្រី អាចផ្តល់ជូនតាមរយៈគណនីធនាគារ ABA អ្នកស្រី 003390137 (Bunson KONG) ។
គួរជម្រាបថា ជារឿយៗតារាសម្តែងរូបនេះ ត្រូវបានអ្នកធ្វើដំណើរ ប្រទះឃើញអង្គុយលក់នំហាលខ្យល់ភ្លៀងរងារញ័រខ្លួនដើម្បីរកប្រាក់ចិញ្ចឹមជីវិត ព្រោះរាល់ថ្ងៃគាត់មានវ័យកាន់តែចាស់ទៅហើយ។ តាមរយៈរូបភាពដែលបានផ្សព្វផ្សាយនៅលើបណ្តាញសង្គមហ្វេសកន្លងមក គឺបង្កការចាប់អារម្មណ៍និងក្តីអាណិតអាសូរ សម្រាប់មហាជន អ្នកគាំទ្រ ពិសេសអ្នកដែលបានធ្វើដំណើរឆ្លងកាត់។
អ្នកស្រី សម្ភ័ស ប៊ុនសុន គឺជាសិល្បការិនីម្នាក់ក្នុងចំណោមអ្នកសិល្បៈវ័យជរាមួយចំនួនទៀត ដែលកំពុងមានជីវភាពខ្វះខាតនិងមានជំងឺប្រចាំកាយ។ អ្វីដែលអភ័ព្វជាងនេះទៀតនោះ គឺអ្នកស្រីពុំមានកូនចៅដែលមានដៃរឹងស្មាមាំជួយជ្រោមជ្រែងនោះឡើយ៕ អត្ថបទ៖ ចាន់រ៉ា
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ