អគាររបស់ Song Hye Kyo ទិញយូរឆ្នាំ ពេលនេះ កើនដល់ ៤.៥ លានដុល្លារ

សារព័ត៌មានក្នុងស្រុកបានរាយការណ៍ថា តម្លៃនៃទ្រព្យសម្បត្តិរបស់តារាសម្ដែងកូរ៉េខាងត្បូង Song Hye Kyo បានកើនឡើងដល់ទៅ ៦ ពាន់លានវ៉ុន (៤.៥ លានដុល្លារអាមេរិក) ចាប់តាំងពីការទិញរបស់ខ្លួនក្នុងឆ្នាំ ២០២១មកម៉្លេះក្នុងតម្លៃ

យោងតាម​កាសែតកូរ៉េខាងត្បូង News1 បានដកស្រង់សម្តីអ្នកអភិវឌ្ឍន៍អចលនទ្រព្យ Building Road Real Estate ដោយបង្ហាញថា តារាស្រីត្រកូល Song បានទិញអគារមួយនៅក្នុងអគារផ្ទះល្វែងដ៏ប្រណិត Hannam the Hill ក្នុងទីក្រុងសេអ៊ូលក្នុងតម្លៃ ១៩.៥ ពាន់លានវ៉ុនក្នុងឆ្នាំ ២០២១។ អចលនទ្រព្យដែលគ្របដណ្តប់លើផ្ទៃដីជាង ៤៩៤ម៉ែត្រការ៉េ ឥឡូវនេះត្រូវបានគេវាយតម្លៃថាមានចំនួន ២៥.៥ ពាន់លានវ៉ុន ដែលជួយជំរុញទ្រព្យសម្បត្តិរបស់តារាស្រីរូបនេះក្នុងរយៈពេលពីរបីឆ្នាំ។

របាយការណ៍បង្ហាញថា អគារដែលសាងសង់ក្នុងឆ្នាំ ១៩៨៩ ដែលជាកម្មសិទ្ធិរបស់ Song បានទទួលការជួសជុលជាច្រើនដង ហើយត្រូវបានសាងសង់ឡើងវិញទាំងស្រុងនៅក្នុងឆ្នាំ ២០១៤ ដោយមានបន្ទប់ក្រោមដីពីរជាន់ និងជាន់ផ្ទាល់ដីចំនួនបួន។ បច្ចុប្បន្នវាមានភោជនីយដ្ឋាន និងស្ទូឌីយោ។

បន្ថែមពីលើអគារនេះ ការកាន់កាប់អចលនទ្រព្យរបស់ Song Hye Kyo​ រួមមានអាផាតមិនមួយនៅក្នុងសង្កាត់ Gangnam ដ៏ទំនើបរបស់ទីក្រុងសេអ៊ូល លំនៅដ្ឋាននៅទីក្រុងញូវយ៉ក និងអចលនទ្រព្យជាច្រើនទៀត។

គួរបញ្ចាក់ដែរថា Song Hye Kyo ទទួលបានភាពល្បីល្បាញទូទាំងពិភពលោកតាមរយៈតួនាទីរបស់នាងនៅក្នុងរឿងភាគទូរទស្សន៍ល្បីៗជាច្រើនរាប់មិនអស់។ នាងជាប់ចំណាត់ថ្នាក់ទី៧ ក្នុងបញ្ជីតារាល្បីកូរ៉េ ៤០ របស់ទស្សនាវដ្តី Forbes ក្នុងឆ្នាំ ២០១៧ និងទី៦ ក្នុងឆ្នាំ ២០១៨។ ប្រភពប៉ាន់ប្រមាណថា ទ្រព្យសម្បត្តិសុទ្ធរបស់ Song មានចំនួនជាង ២០លានដុល្លារអាមេរិកឯណោះ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រ NewJeans ផ្ញើកម្រងផ្កាបុណ្យសពនៅមុខអគារក្រុមហ៊ុន HYBE ជាថ្មីម្ដងទៀត