ជីវិតកម្សាន្ដ
មហោស្រពរបាំបុរាណខ្មែរ បញ្ចប់ដោយជោគជ័យ ជាមួយការកោតសរសើរថា “ជាផ្ទាំងទស្សនីយភាពល្អឥតខ្ចោះ”
កម្មវិធីមហោស្រពរបាំក្បាច់បុរាណខ្មែរ រឿង «ព្រះបាទជ័យវរ្ម័នទី៧» ដែលបានប្រព្រឹត្តទៅរយៈពេល ២ថ្ងៃ និងទើបនឹងបញ្ចប់ កាលរសៀលម្សិលមិញនេះ ទទួលបានជោគជ័យធំធេង ដោយមានការចូលរួមពីសាធារណជន និងសិល្បករសិល្បការិនីខ្មែរជាច្រើនទៅបង្ហាញការគាំទ្រ និងកោតសរសើរគ្រប់ៗគ្នាថា “ជាផ្ទាំងទស្សនីយភាពល្អឥតខ្ចោះ” ព្រមទាំងសំណូមពរឱ្យមានរៀបចំកាន់តែពិសេសជាងនេះ នៅឆ្នាំបន្ទាប់ៗទៀត។
មហោស្រពរបាំក្បាច់បុរាណខ្មែរ រឿង «ព្រះបាទជ័យវរ្ម័នទី៧» ដែលដកស្រង់ត្រង់ឈុតស្នាព្រះហស្ថ និងសមិទ្ធផលនៃមហាវីរៈក្សត្រទាំង ៣អង្គ ដែលប្រព្រឹត្តធ្វើកាលពីថ្ងៃទី២៨ និង ២៩ ខែកញ្ញានេះ បានចប់ហើយក៏ពិតមែន ប៉ុន្តែពលរដ្ឋខ្មែរ ដែលបានទិញសំបុត្រចូលរួមទស្សនា បានកោតស្ញប់ស្ញែងនូវការតំឡើងរឿងនេះ និងបញ្ជាក់ថា លើសពីការឱ្យចំណាត់ថ្នាក់ គឺពិតជាអស្ចារ្យ។
ត្រង់ឈុតខ្លះ អ្នកទស្សនាសារភាពថា ខ្លួនស្ដាប់ហើយមើលហើយ ឡើងព្រឺរោម ទឹកភ្នែកហូរដោយមិនដឹងខ្លួន។ លើសពីនេះ ថែមទាំងបានសរសើរថា “សាច់រឿងគ្រប់ឈុត មានភាពប្រទាក់ក្រឡា និងសម្តែងបានល្អ ហើយចង់ឱ្យមានរៀបចំបែបនេះរាល់ឆ្នាំ រួមបញ្ចូលជាមួយនឹងការតំឡើងឈុតថ្មីៗបន្ថែមទៀត បើអាច”។
គួរជម្រាបថា នេះមិនមែនជាលើកទី១ឡើយ សម្រាប់កម្មវិធី មហោស្រពរបាំក្បាច់បុរាណខ្មែរ រឿង «ព្រះបាទជ័យវរ្ម័នទី៧» ប៉ុន្តែព្រឹត្តិការណ៍មហោស្រពរបាំក្បាច់បុរាណខ្មែរលើកនេះ អស្ចារ្យជាងមុន និងធំជាងមុន ក្នុងន័យលើកតម្កើងវប្បធម៌ជាតិដ៏ថ្កុំថ្កើង ដោយរៀបចំធ្វើឡើងនៅមជ្ឈមណ្ឌលកោះពេជ្រ ដើម្បីផ្តល់ជូនផ្ទាំងទស្សនីយភាពកាន់តែពិសេសជូនអ្នកទស្សនា៕
-
ព័ត៌មានអន្ដរជាតិ៦ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៤ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៦ ម៉ោង ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ចរាចរណ៍២២ ម៉ោង ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ៤ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៧ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៥ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan