ជីវិតកម្សាន្ដ

Suga ត្រូវពិន័យជាលុយសុទ្ធ ពីបទល្មើសបើកបរស្រវឹងលើកមុន

បានផុស

៩ ម៉ោង មុន

នៅ

ថ្ងៃចន្ទ ៣០ កញ្ញា ២០២៤

ដោយ

តារា K-pop គឺ Suga សមាជិកក្រុមចម្រៀង BTS ពេលនេះប៉ូលិសបានបញ្ចាក់ថា លោកត្រូវទទួលការពិន័យជាប្រាក់១៥លានវ៉ុន (១១ ៥០០ ដុល្លារ) ពីតុលាការ លើបទល្មើសបើកបរក្នុងស្ថានភាពស្រវឹង ពេលកំពុងជិះស្គីអគ្គិសនី។

មន្ត្រីតុលាការបាននិយាយកាលពីថ្ងៃចន្ទថា ចៅក្រមនៅតុលាការក្រុងសេអ៊ូលខាងលិច បានចេញការផាកពិន័យនៅក្នុងសាលក្រមសង្ខេបដែលបានធ្វើឡើងកាលពីសប្តាហ៍មុន បន្ទាប់ពីសំណុំរឿងរបស់គាត់ត្រូវបានបញ្ជូនទៅអយ្យការ។

កាលពីខែសីហា អ្នកនិពន្ធបទចម្រៀង និងជាតារារ៉េបរូបនេះបានចេញមុខសុំទោសចំពោះឧបទ្ទវហេតុដែលខ្លួនបានបង្ក ដោយហៅវាថាជាអាកប្បកិរិយាធ្វេសប្រហែស និងខុសឆ្គង ដោយប៉ូលិសក៏បានដកហូតអាជ្ញាប័ណ្ណជិះម៉ូតូអេឡិចត្រូនិកពេលស្រវឹង។

យោងតាមស្លាកសញ្ញា Big Hit Music របស់គាត់ ដែលជាផ្នែកមួយនៃក្រុមហ៊ុន K-pop HYBE ស្លាកនេះក៏បាននិយាយថា គាត់មិនបានធ្វើតេស្តដង្ហើមដើម្បីវាស់កម្រិតជាតិអាល់កុលក្នុងឈាមរបស់គាត់ ដែលធ្វើឡើងដោយប៉ូលិសទេ។ ករណីនេះបានជំរុញឲ្យអ្នកគាំទ្រ BTS មួយចំនួនតូចចិត្តចំពោះសកម្មភាពរបស់គាត់ក្នុងការផ្ញើកម្រងផ្កានៅជិតទីស្នាក់ការកណ្តាល HYBE ដោយមានសារនៅលើក្តារសុំឲ្យគាត់ចាកចេញពីក្រុម។

សូមរម្លឹកដែរថា Suga បានបម្រើការជាភ្នាក់ងារសេវាសង្គម ដែលជាទម្រង់ជំនួសនៃការបម្រើយោធានៅក្នុងប្រទេសកូរ៉េខាងត្បូង ចាប់តាំងពីខែមីនាមកម៉្លេះ ហើយអាចនឹងបញ្ចប់កាព្វកិច្ចមួយនេះនៅខែមិថុនាឆ្នាំក្រោយ។ ក៏ប៉ុន្តែ កំឡុងពេលបំពេញការងារយោធា សមាជិក BTS រូបនេះ បែរជាបំពានច្បាប់បង្កគ្រោះថ្នាក់លើដងផ្លូវ ដោយសារតែរូបគេបានផឹកស្រវឹងជោគជាំក្នុងកម្រិតជាតិអាកុលខ្ពស់បំផុត៕