ជីវិតកម្សាន្ដ
Coldplay ប្រកាសបំបែកក្រុមនាពេលខាងមុខនេះ ខណៈទើបនឹងចេញអាល់ប៊ុមទី១០
ក្រុមតន្ត្រី Coldplay គឺជា Band ដ៏ល្បីល្បាញទូទាំងពិភពលោក ដែលបានបង្កើតឡើងតាំងពីឆ្នាំ១៩៩៧ ហើយមានបទចម្រៀងពិរោះៗដូចជា Yellow, The Scientist និងបទផ្សេងៗទៀត។ ក្រុមតន្ត្រីមួយនេះ មានសមាជិកចំនួន៤នាក់ ដែលមាន Christ Martin ជាអ្នកច្រៀង Jonny Buckland ជាអ្នកលេងហ្គីតា ហើយអ្នកលេងបាស់គឺ Guy Berryman និងអ្នកវាយស្គរ ដោយ Will Champion។

ដោយយោងតាម គេហទំព័រ Easy Rock បានឲ្យដឹងថា កាលពីពេលថ្មីៗនេះ ក្រុមតន្ត្រី Coldplay ដែលមានចំណាស់២៧ឆ្នាំ បានប្រកាសប្រាប់នៅក្នុងកិច្ចសម្ភាសន៍ថា ពួកគេនឹងបំបែកក្រុមនៅពេលដែលបញ្ចប់ការចេញអាល់ប៊ុមទី១២ ខណៈដែលបច្ចុប្បន្នទើបតែចេញអាល់ប៊ុមទី១០របស់ខ្លួន។
ជាមួយគ្នានេះ តារាចម្រៀង Christ Martin ដែលជាអ្នកតំណាងក្រុម បាននិយាយថា Coldplay ពិតជាផ្ដល់សារសំខាន់ចំពោះការកំណត់ពេលវេលាសម្រាប់ការចូលនិវត្តន៍របស់ពួកគេខ្លាំងណាស់ ក្រោយពីបានបម្រើវិស័យតន្ត្រីអស់រយៈពេល៣ទសវត្សរ៍កន្លងមកនេះ។

លោកបានបន្ថែមទៀតថា Coldplay នឹងធ្វើអាល់ប៊ុមត្រឹមតែ១២ប៉ុណ្នោះ ពួកគេនឹងចូលនិវត្តន៍ហើយ លោកនិយាយពិតប្រាកដមែន ចាំតែមើលទៅ។ មិនតែប៉ុណ្នោះ លោកបាននិយាយអំពីអាល់ប៊ុមទៀតថា ទោះបីជាស្ដាប់ទៅវាដូចជាតិចពិតមែន ប៉ុន្ដែតិចតែច្រើន គឺលោកចង់សម្ដៅថា ទោះចម្រៀងតិចតែមានគុណភាព។
ចុងក្រោយ Christ Martin បានបកស្រាយថា ក្រោយពីបញ្ចប់អាល់ប៊ុមចុងក្រោយហើយ សមាជិកនឹងត្រូវបំបែកក្រុមតាមការកំណត់ ប៉ុន្ដែពួកគេនៅតែមានការសហការគ្នានៅថ្ងៃខាងមុខ ហើយសមាជិកទាំង៤នាក់ បូករួមនឹងអ្នកគ្រប់គ្រងម្នាក់ទៀត នឹងត្រូវទទួលបានការសម្រាកមួយដែលពួកគេសាកសមនឹងទទួលបាន ក្រោយពីដើរលើវិថីនេះអស់រយៈពេលជិត៣០ឆ្នាំមកនេះ។

គួរបញ្ជាក់ផងដែរថា Coldplay កំពុងតែផ្សព្វផ្សាយអាល់ប៊ុមចម្រៀងទី១០ ដែលមានឈ្មោះថា Moon Music ដែលចេញនៅថ្ងៃទី០៤ ខែតុលា ២០២៤នេះហើយ៕
ប្រភព៖ Easy Rock



-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?