ប៉ូគីមថេ សុតធីតា បង្ហាញការខកចិត្តក្រោយគេដកសិទ្ធិកម្ពុជាធ្វើជាម្ចាស់ផ្ទះ MGI 2024

បវរកញ្ញាកម្ពុជាកញ្ញា ប៉ូគីមថេ សុតធីតា ម្ចាស់ជ័យលាភីគ្រងម្កុដ Miss Grand Cambodia 2021 បានចេញមកនិយាយទាំងហួសចិត្តខ្លាំងបន្ទាប់ពីលោក Nawat ហាក់មិនឲ្យតម្លៃដល់កម្ពុជា ក្នុងការរៀបចំកម្មវិធីប្រកួត Miss Grand International 2024 ។

ប្រាកដណាស់គេសង្កេតឃើញថា ចាប់តាំងពីយប់មិញរហូតមកដល់រសៀលថ្ងៃនេះ គេឃើញមានមហាជននិងអ្នកសិល្ប:របស់ខ្មែរជាច្រើនបានផ្ទុះនូវប្រតិកម្ម ដោយសម្តែងការខកចិត្តយ៉ាងខ្លាំង បន្ទាប់ពីផេកផ្លូវការរបស់ MGI បានប្រកាសកាលពីយប់ថ្ងៃទី០៦ខែ តុលាថា កម្ពុជាមិនអាចបន្តធ្វើជាម្ចាស់ផ្ទះនៃកម្មវិធី Miss Grand International 2024 ទៀតទេ។

ទន្ទឹមគ្នានេះដែរ សម្រាប់ម្ចាស់មកុដ Miss Grand Cambodia 2021 កញ្ញា ប៉ូគីមថេ សុតធី ក៏បានបង្ហាញការខកចិត្តដែរថា “ភាពជាសន្តិភាព ការកាពារ និងយុត្តិធម៌ ដែលប្រទេសរបស់ខ្ញុំទាំងមូល សមនឹងទទួលបាន ប្រទេសនីមួយៗមានកត្តិយសជាតិរៀងៗខ្លួន សូមរៀនចេះគោរពនិងឱ្យតម្លៃគ្នាទៅវិញទៅមក”។

បើយោងតាមរយៈការ Live របស់អ្នកនាង អុឹម សុគន្ធា ដែលមានរយ:ពេលជិត២ម៉ោងនៅលើផេកផ្លូវការរបស់ Miss Grand Cambodia បាននិយាយរៀបរាប់ដោយអារម្មណ៍អន់ចិត្តជាខ្លាំង ក្រោយទទួលដំណឹងដ៏ហួសចិត្តថា កម្ពុជាត្រូវបានរដកសិទ្ធិធ្វើជាម្ចាស់ផ្ទះ Miss Grand International 2024 ខណ:អ្នកនាងក៏បានបញ្ជាក់ប្រាប់ពីមូលហេ តុមួយចំនួនដែលកើតឡើងមុននឹងឈានដលការបញ្ចប់ធ្វើជាម្ចាស់ផ្ទះបែបនេះ។

សូមបញ្ជាក់ថាម្ចាស់ជ័យលាភីគ្រងម្កុដ Miss Grand Cambodia 2021កញ្ញា ប៉ូគឹមថេង សុតធីតា កន្លងមក ត្រូវបានគេកត់សម្គាល់ថានាងតែងទទួលបាន ការគាំទ្រព្រមទាំងការលើកសរសើរពីមហាជនពោលគឺចាប់តាំងពីនាងបានជាប់ជាម្ចាស់ម្កុដ MGC 2021 និងក្លាយជាតំណាងឱ្យកម្ពុជាទៅចូលរួមប្រកួតដណ្ដើ មមកុដលើឆាកអន្តរជាតិនាពេលកន្លងមក៕ អត្ថបទ៖ ចាន់រ៉ា