អ្នកនាង អុឹម សុគន្ធា ប្រកាសរៀបចំព្រឹត្តិការណ៍ធំមួយ មានតារាល្បីៗចូលរួម Show ពិសេសជាមួយ Queen Bee

អ្នកនាង អុឹម សុគន្ធា ដែលជាអគ្គនាយិការ និងជាអ្នកគ្រប់គ្រងកម្មវិធី Miss Grand Cambodia បានប្រកាសត្រៀមរៀបចំនូវព្រឹត្តិការណ៍ពិសេសដ៏ធំមួយដែលមានតារាល្បីៗប្រចាំប្រទេសកម្ពុជា មកចូលរួម Show ពិសេសជាមួយ កញ្ញា ប៊ី សុធារី នាពេលឆាប់ៗនេះ។

ការប្រកាសរបស់អ្នកនាង អុឹម សុគន្ធា នេះធ្វើឡើង បន្ទាប់ពីបរាជ័យនៃការរៀបចំកម្មវិធីប្រកួតសម្រស់ Miss Grand International 2024 ខណ:ដែលភាគីខាងថៃ គឺលោក ណាវ៉ាត់ នាយកប្រតិបត្តិស្ថាប័នអន្តរជាតិមួយនេះ បានបំផ្លាញកម្មវិធីប្រកួតសម្រស់ដ៏អស្ចារ្យនៅកម្ពុជា នឹងបានដកសិទ្ធិកម្ពុជាធ្វើជាម្ចាស់ផ្ទះ MGI 2024។

ទោះបីជាយ៉ាងណា ក្រោយអាក់ខាននៃការរៀបចំកម្មវិធីនិងត្រូវបានដកសិទ្ធិកម្ពុជាធ្វើជាម្ចាស់ផ្ទះ MGI2024 អ្នកនាង អុឹម សុគន្ធា និងក្រុមការងារបានសម្តែងការខកចិត្តយ៉ាងខ្លាំង។ ប៉ុន្តែអ្វីដែលចាប់អារម្មណ៍និងរំភើបជាថ្មី ស្រាប់តែអ្នកនាង បានប្រកាសនឹងរៀបចំព្រឹត្តិការណ៍ដ៏ធំមួយ ដែលមានតារាល្បីៗចូលរួមShow ពិសេសជាមួយ Queen Bee ។

តាមរយ:ដំណឹងមួយនេះ មានមហាជនជាច្រើនបានបង្ហាញការលើកទឹកចិត្ត និងគាំទ្រឲ្យមានព្រឹត្តិការណ៍ដ៏ធំមួយនេះរៀបចំឡើងឆាប់ៗផងដែរ៕ អត្ថបទ៖ ចាន់រ៉ា