ប៊ី សុធារី ប្តេជ្ញាទាមទារភាពស្អាតស្អំដើម្បីអ្នកគាំទ្រ និងពលរដ្ឋកម្ពុជា

បវរកញ្ញាកម្ពុជា ប៊ី សុធារី បេ្តជ្ញាថា ខ្លួនត្រូវតែក្រោកឈរក្នុងការទាមទារនូវភាពស្អាតស្អំ និងយុត្តិធម៌សម្រាប់អ្នកគាំទ្រពិសេសប្រទេសជាតិ និងប្រជាជនកម្ពុជាទាំងមូល។

ការបេ្តជ្ញានេះ គឺស្របពេលដែលប៉ុន្មានថ្ងៃនេះ មានផ្ទុះនូវរឿងរ៉ាវដ៏ក្តៅគគុក បន្ទាប់ពីមើលឃើញនូវទង្វើរបស់អ្នកគ្រប់គ្រងកម្មវិធី Miss Grand International 2024 គឺលោក Nawat និងបវរកញ្ញាថៃនាង Lin Malin ដែលមិនឲ្យតម្លៃនិងមើលងាយប្រជាជនកម្ពុជា ថែមទាំងដកសិទ្ធិកម្ពុជាធ្វើជាម្ចាស់ផ្ទះ MGI 2024 ទៀតផង។

ក្នុងនាមជាកូនខ្មែរកញ្ញា ប៊ី សុធារី បានបង្ហាញឆន្ទ:រ បស់ខ្លួនថាខ្ញុំបានកើត និងរស់នៅលើទឹកដីមួយនេះក្រោមឈ្មោះថាជនជាតិខ្មែរប្រជាជនកម្ពុជា ខ្ញុំធំធាត់ឡើងជាមួយនឹងការអប់រំពីប្រទេសមួយនេះប្រទេសមួយនេះបានផ្ដល់ជីវិតចំណេះដឹង និងប្រាក់ចំណូលដល់ខ្ញុំនិងគ្រួសារខ្ញុំ ។

បវរកញ្ញា ប៊ី សុធារី បានបញ្ជាក់ទៀតថា ដូច្នេះហើយ ខ្លួនមានសិទ្ធិក្នុងការក្រោកឈរការពារប្រទេសមួយនេះ ការពារកន្លែងដែលនាងរស់នៅ ប្រទេសនាង គឺត្រូវតែទទួលបានភាពស្អាតស្អំមកវិញ។

សូមបញ្ជាក់ថា ក្រោយកើតមានរឿងរ៉ាវចម្រូវចម្រាស់ដកសិទ្ធិកម្ពុជាធ្វើជាម្ចាស់ផ្ទះ MGI 2024 កញ្ញា ប៊ី សុធារី ដែលជាបវរ កញ្ញាតំណាងកម្ពុជាក្នុងការដណ្តើមមកុដភ្លាមៗនោះបានប្រកាសផ្តាច់ខ្លួនពីការប្រកួតកម្មវិធីមួយនេះ៕ អត្ថបទ៖ ចាន់រ៉ា