ទេព បូព្រឹក្ស ស្នើឲ្យខ្មែរគ្រប់រូបគួរពួតដៃជ្រោមជ្រែងគ្នាមានស្មារតីរួបរួម

ក្រោយផ្ទុះរឿងរ៉ាវដ៏រសើបពាក់ព័ន្ធកម្មវិធី MGI 2024 ដែលភាគីខាងថៃ លោក ណាវ៉ាត់ ផ្តាច់សិទ្ធិកម្ពុជាធ្វើជាម្ចាស់ផ្ទះនិងមានដំណឹងមានអ្នកចង់ទិញសិទ្ធិបន្តសម្រាប់ឆ្នាំ២០២៥ តារាចម្រៀងអ្នកនាង ទេព បូព្រឹក្ស បានចេញស្នើឲ្យខ្មែរគួរពួតដៃជ្រោមជ្រែងគ្នាមានស្មារតីរួបរួមគម្បីនឹងបុព្វបុរស។

ទាក់ទងនឹងរឿងដែលកំពុងផ្ទុះក្លាយជាប្រធានដ៏ក្តៅនេះដែរ អ្នកនាង ទេព បូព្រឹក្ស ក៏បានបញ្ចេញទស្សន:ថា ក្នុងកាលៈទេសៈនេះ កុំបាច់ខ្វល់ពីមនុស្សដែលមើលឃើញតែពីប្រយោជន៍ និងបំបាក់មុខជាតិសាសន៍ខ្លួនឯង គប្បី ពួតដៃគ្នាជ្រោមជ្រែងគ្នាជាឈាមក្នុងសាច់ ជាមួយនឹងស្មារតីរួបរួម។

ជុំវិញរឿងរ៉ាវនៃការលើកឡើងនេះ គឺបន្ទាប់ពីលោក អុិន សុភិន អតីតអ្នករៀបចំកម្មវិធី Miss Grand បានទាក់ទងទៅកាន់លោក Nawat ស្របពេលដែលផ្ទុះរឿងចម្រូងចម្រាស់នៃការដកសិទ្ធិកម្ពុជា ជាម្ចាស់ផ្ទះរៀបចំកម្មវិធី MGI 2024 ។ តួយ៉ាង ក្នុងរឿងរ៉ាវនេះ លោក អុិន សុភិន បញ្ជាក់ដែរថា កាលដែលលោកទាក់ទងទៅលោក Nawat និងយកអាសារម្ចាស់ស្ថាប័នរូបនោះ គឺក្នុងនាមជាមិត្តភក្តិប៉ុណ្ណោះ និងមិនបានដឹងថា រឿងរ៉ាវសុីជម្រៅយ៉ាងណានោះទេ។

ចំណែករឿងនៃការទិញសិទ្ធិ Miss Grand លោក អុិន សុភិន បញ្ជាក់ថា “បើគាត់លក់ឲ្យខ្ញុំ ខ្ញុំមានសិទ្ធិទិញយក ព្រោះនេះជាសិទ្ធិរបស់ខ្ញុំ ប៉ុន្តែខ្ញុំក៏មិនបានទិញយកនោះដែរ“។

យ៉ាងណាមិញ ដើម្បីជម្រះមន្ទិលរបស់មហាជនជុំវិញរឿងរ៉ាវនេះ តាមរយៈសំណេរលើបណ្តាញទំនាក់ទំនងសង្គម នៅព្រឹកថ្ងៃនេះ លោក អុិន សុភិន បានបញ្ជាក់ជំហរថា ដាច់ខាតលោកមិនយក Miss Grand ចូលប្រទេសវិញឡើយ។ ក្នុងនោះ លោកលើកឡើងដែរថា តែអ្វីដែលលោកខ្លាច គឺND2023/2024 គេមកលួងទទួលយកវិញ ហើយបើសិនមានទទួលយកវិញ លោកស្នើរឱ្យប្រជាជនកម្ពុជា និងអ្នកគាំទ្រកាត់ក្ដីតាមការគួរ៕ អត្ថបទ៖ ចាន់រ៉ា