លោក អុិន សុភិន អះអាងថា ការជជែកគ្នារវាងលោក ណាវ៉ាត់ គ្រាន់ជាការដកពិសោធចរិតមនុស្សប៉ុណ្ណោះ

ជាថ្មីម្តងទៀត លោក អុិន សុភិន អះអាងថា ការដែលលោកទាក់ទងទៅលោក ណាវ៉ាត់ គឺគ្រាន់តែជាការចង់ដក់ពិសោធអំពីអត្តចរិតអ្នកគ្រប់គ្រងស្ថាប័ន MGI តែប៉ុណ្ណោះ។

តាមរយ:ការ Live ថ្ងៃដដែល លោក អុិន សុភិន បានបញ្ជាក់ថា គ្មានអ្នកស្គាល់ចរិតអ្នកគ្រប់គ្រង MGI ច្បាស់ជាងលោកទេ ហើយអ្វីដែលលោកធ្វើកន្លងមកគ្រាន់ តែចង់ដកពិសោធថាតើចរិតលោក Nawat ដូចដើមឬអត់ ប៉ុន្តែជាលទ្ធផល គឺចេញចរិតដូចដើមដដែល។ លោកថាកន្លងមកលោកតែងតែលួចខ្សឹបប្រាប់លោក អុិន វិចិត្រ ក្នុងការពន្យល់ឲ្យលោកស្រី អុឹម សុគន្ធា មានការប្រុងប្រយ័ត្ន ព្រោះខ្លាចមានថ្ងៃណាមួយភ្លាត់ស្នាតលើករណីណាមួយ។

លោក អុិន សុភិន បន្តថា ដល់ពេលដែលកើតមានរឿងនេះឡើង គឺមានតែការស្តាយក្រោយដែលធ្វើឲ្យប៉ះពាល់ដល់មុខមាត់ប្រទេសជាតិដូចដែល លោកខំដកពិសោធចរិតគាត់ (ណាវ៉ាត់) ហើយចុងក្រោយទើបបានដឹងថា នៅតែដដែលហើយខ្លាំងជាងមុន។

លោកបន្ថែមថា អ្វីដែលលោកធ្វើកន្លងមក គឺគ្រាន់តែចង់ដកពិសោធចរិត ថាតើ លោកណាវ៉ាត់ នៅដដែលឬអត់? ដោយលោកយល់ថា បើយើងមិនធ្វើការដកពិសោធគេ គួរកុំអាលវាយតម្លៃគេ ប៉ុន្តែជាលទ្ធផលក្រោយលោកធ្វើការពិសោធលោក Nawat ឃើញថា គឺពិតជាបែបនោះមែន។ លោកថា “បទពិសោធនេះ ជារឿងមួយដែលជូរចត់បំផុត”។

គួរបញ្ជាក់ដែរថា ជុំវិញរឿងរ៉ាវដែលថាលោក អុិន សុភិន បានទាក់ទងបេក្ខភាពទៅជំនួស ប៊ី សុធារី នោះ លោកបានបញ្ជាក់ម្តងហើយម្តងទៀតដែរថា លោកមិនបានបញ្ជូនបេក្ខនារីណាទៅចូលរួមប្រកួត MGI2024 ឬទិញសិទ្ធិ Miss Grand Cambodia នោះឡើយ ពោលអ្វីដែលលោកធ្វើកន្លងមក គឺគ្រាន់តែចង់ពិសោធអត្តចរិតអ្នកគ្រប់គ្រង MGI តែប៉ុណ្ណោះ។ អត្ថបទ៖ ចាន់រ៉ា