ជីវិតកម្សាន្ដ
Selena អរគុណដែលបានងារជាមហាសេដ្ឋី តែខកចិត្តយករឿងលុយកាក់មកវែកញែក
តារាសម្ដែងអាមេរិកដែលជាប់ឈ្មោះក្នុងបញ្ជីឈ្មោះ Emmy នាពេលថ្មីៗនេះគឺ Selena Gomez បានសម្ដែងការអរគុណចំពោះការសម្រេចបានឋានៈជាមហាសេដ្ឋី បើទោះជានាងបានលើកឡើងថា ការពិភាក្សាអំពីប្រាក់លើបណ្ដាញអ៉ិនធើណេតគឺជារឿងគួរឲ្យខកចិត្តបំផុត។
តារាស្រីវ័យ៣២ឆ្នាំរូបនេះ បានប្រាប់ Entertainment Tonight នៅឯមហោស្រពភាពយន្តញូវយ៉កកាលពីថ្ងៃទី ៣០ ខែកញ្ញាថា «ខ្ញុំផ្ទាល់គិតថាវាគួរឲ្យខ្ពើមរអើមក្នុងការនិយាយអំពីលុយ ប៉ុន្តែខ្ញុំពិតជាផ្តល់កិត្តិយសទាំងអស់ដល់អ្នកដែលទិញផលិតផលរបស់ខ្ញុំកន្លងមកដែរ។ ពួកគេគឺជាអ្នកដែលធ្វើឲ្យសុបិនរបស់ខ្ញុំក្លាយជាការពិត ដូច្នេះខ្ញុំពិតជាមានកិត្តិយស និងរីករាយណាស់»។
កាលពីខែមុន Bloomberg បានរាយការណ៍ថា ទ្រព្យសម្បត្តិសុទ្ធរបស់ Selena បានកើនឡើងដល់ប្រហែល ១.៣ ពាន់លានដុល្លារ ជាចម្បងពីភាពជោគជ័យនៃបណ្តាញគ្រឿងសំអាង Rare Beauty ដែលបានចាប់ផ្តើមនៅឆ្នាំ ២០១៩ ។ ទ្រព្យសម្បត្តិរបស់នាងក៏បានមកពីការចូលរួមផ្ទាល់ខ្លួន នៅក្នុងវេទិកាសុខភាពផ្លូវចិត្ត Wondermind ការវិនិយោគអចលនទ្រព្យ ព្រមទាំងអាជីពក្នុងតន្ត្រី សម្តែង និងការគាំទ្រម៉ាកយីហោជាច្រើនផ្សេងទៀត។
សូមបញ្ចាក់ថា នៅអាយុ ៣២ឆ្នាំ Gomez បានចាប់ផ្តើមអាជីពជាតារាសម្តែងកុមារក្នុងឆ្នាំ២០០២ ហើយបានល្បីល្បាញជាតារាយុវវ័យ។ ពានរង្វាន់របស់នាងរួមមាន ពានរង្វាន់មហោស្រពភាពយន្តទីក្រុង Cannes, ពានរង្វាន់តន្ត្រីអាមេរិក, ពានរង្វាន់ Billboard Music Award និងពានរង្វាន់ MTV Video Music Awards ចំនួនពីរ។ នាងបានទទួលការតែងតាំងពានរង្វាន់ Emmy Award ចំនួនប្រាំពីរ ការតែងតាំងពានរង្វាន់ Grammy ចំនួនពីរ និងការតែងតាំងពានរង្វាន់ Golden Globe ចំនួនពីរ ហើយអាល់ប៊ុមស្ទូឌីយោរបស់នាងបានជាប់ចំណាត់ថ្នាក់កំពូល US Billboard 200។
មិនត្រឹមតែប៉ុណ្ណឹងទេ តារាស្រីអាមេរិកក៏ជាប់ចំណាត់ថ្នាក់ជាអ្នកមានអ្នកតាមដានច្រើនជាងគេទី៣ នៅលើ Instagram ដែលមានអ្នកតាមដាន ៤២៤លាននាក់។ របាយការណ៍បង្ហាញថា នាងរកបានប្រហែល ៣០ លានដុល្លារសម្រាប់ការផ្សាយពាណិជ្ជកម្មតាមប្រព័ន្ធផ្សព្វផ្សាយសង្គមនីមួយៗ៕
អត្ថបទ៖ សាង ស្រីល័ក្ខ
ចុចអាន៖Taylor Swift បរិច្ចាគលុយ៥លាន ដល់មនុស្សរងគ្រោះដោយសារព្យុះ
-
ព័ត៌មានអន្ដរជាតិ៥ ថ្ងៃ ago
ប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ២ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ១ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ២ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៥ ថ្ងៃ ago
រថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម៧ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានជាតិ១ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង