លោក ហ៊ុយ យ៉ាឡេង ថា អ្នកគ្រូ ឌី សាវ៉េត ស័ក្តិសមជាមរតកមនុស្សរស់សម្រាប់ជាតិ

ដោយមើលឃើញពីទេពកោសល្យនិងសមត្ថភាពសិល្ប:ដ៏ល្បីរន្ទឺ របស់តារាសម្តែងជើងចាស់មានប្រជាប្រិយភាពអ្នកគ្រូ ឌី សាវ៉េត លោក ហ៊ុយ យ៉ាឡេង ដែលជាផលិតករនិងអ្នកដឹកនាំសម្តែង បានចាត់ទុកថា អ្នកគ្រូគឺជាមរតកមនុស្សរស់សម្រាប់ជាតិ។

ជាការពិតមហាជនខ្មែរគ្រប់មជ្ឈដ្ឋាននិងទូទាំងប្រទេសបានជ្រាបច្បាស់ហើយ នៅភាពល្បីល្បាញរបស់តារាសិល្ប:ជើងចាស់អ្នកស្រី ឌី សាវ៉េត ដែលលោកស្រីតែងទទួលបានការគាំទ្រខ្ពស់ ថែមទាំងទទួលបានការសរសើរពីសមត្ថភាពនិងទេពកោសល្យនានា នៅក្នុងអាជីពមួយនេះរហូលមកទល់ពេលបច្ចុប្បន្ន។

ផលិតករភាពយន្តលោក ហ៊ុយ យ៉ាឡេង បានលើកឡើងថា លោកមិនដឹងថា មរតកមនុស្សរស់ត្រូវមានលក្ខខណ្ឌបែបណាទេ តែលោកយល់ថា ចំពោះអ្នកគ្រូឌីសាវ៉េត គឺជាតារាជើងចាស់មួយដួងដែលល្បីទូទាំងអាស៊ី ដែលស័ក្តិសមជាមរតកមនុស្សរស់សម្រាប់ជាតិផងដែរ។

សូមជម្រាបដែរថា វីរ:សិល្បករ លោកស្រី ឌី សាវ៉េត ទោះបីពេលនេះមានវ័យច្រើនឆ្នាំហើយក៏ពិតមែន តែរហូតមកទល់បច្ចុប្បន្នលោកកស្រីក៏នៅតែទទួលបានការគាំទ្រយ៉ាងខ្លាំងពីសំណាក់មហាជនគ្រប់មជ្ឈដ្ឋាន ទាំងក្នុងនិងក្រៅប្រទេស។អ្នកស្រីគឺជា​​​តារា​​ភាព​​យន្តដ៏ល្បីរន្ទឺរបស់ខ្មែរ កាល​​ពី​​អំឡុង​​ទស​វត្ស​រ៍​​ទី​​៦០ ​​​និងដើមទសវត្សរ៍ទី៧០៕ អត្ថបទ៖ ចាន់រ៉ា