ផ្ទុះការសង្ស័យ Han Sohee ប្រើ IG ក្លែងក្លាយ ដើម្បីខមិនជេរ Hyeri

ក្រោយពីស្ងាត់ភាពចម្រូសចម្រាស់មួយរយៈមក ស្រាប់តែ Han Sohee និង Hyeri បានផ្ទុះរឿងជាថ្មី ដោយសារតែ Jeon Jong Seo ដែលជាមិត្តជិតស្និទរបស់ Han Sohee ច្រឡំចុច Follow គណនី IG មួយ ដែលត្រូវបានគេស្គាល់ថា ជាគណនីរបស់ហ្វេនដែលតាមខមិនជេរ Hyeri ជាប្រចាំ។

យ៉ាងណាមិញ ព្រោះតែមានចម្ងល់ក្នុងចិត្ត មហាជនម្នាក់ បានព្យាយាមរកការពិត ដោយគេបានស្គាល់លេខទូរស័ព្ទរបស់ Sohee ព្រោះធ្លាប់បានទាក់ទងកន្លងមក។ បុគ្គលម្នាក់នេះ បានព្យាយាមចូលទៅក្នុងគណនី IG ក្លែងក្លាយនោះ ដោយគ្រាន់តែដាក់ឈ្មោះគណនី ដែលកំពុងតែត្រូវគេសង្ស័យ ហើយដោយគ្រាន់តែចុចកន្លែង forgotten password នោះវានឹងលោតផ្ញើលេខកូដទៅតាមលេខទូរស័ព្ទ ហើយវានឹងបង្ហាញឲ្យឃើញលេខទូរស័ព្ទខ្លះៗ។

ពិតជាដូចការគិតមែន វាបានលោតចេញកន្ទុយលេខទូរស័ព្ទមក បុគ្គលម្នាក់នេះ បានប្រាប់ថា នាងស្គាល់លេខទូរស័ព្ទកន្ទុយលេខ 29 ដែលដូចទៅនឹងលេខរបស់ Han Sohee។ ក្រោយមក គេបានព្យាយាមចូលម្ដងទៀត វាស្រាប់តែប្ដូរលេខទូរស័ព្ទទៅកន្ទុយលេខ 73 វិញ សង្ស័យថា ដឹងខ្លួនក៏ប្ដូរលេខភ្លាមៗ។

បុគ្គលរូបនេះ ក៏បានបង្ហាញដែរថា រូបនាងមានលេខរបស់ Sohee ហើយវាមានកន្ទុយលេខដូចទៅនឹង គណនីដែលគេសង្ស័យខាងលើពិតមែន។ គួរបញ្ជាក់ផងដែរថា គណនីដែលគេសង្ស័យនេះ ត្រូវបានគេស្គាល់ថា តែងតែឃើញទៅខមិនពាក្យជេរស្ដី ប្រមាថទៅកាន់ Hyeri ជាប្រចាំ តាំងពីចាប់ផ្ដើមមានរឿងជាមួយគ្នាមកម្ល៉េះ។

បើទោះបីជាគេរកឃើញបែបនេះក៏ដោយ ប៉ុន្ដែក៏វានូវតែមិនអាចបញ្ជាក់ថា Han Sohee ពិតជាម្ចាស់គណនី IG មួយនេះទេ ព្រោះមិនមែនមានតែរូបនាងម្នាក់ ដែលមានកន្ទុយលេខ29នោះទេ៕

ប្រភព៖ Koreaboo