ជីវិតកម្សាន្ដ
ខេម ប្រកាសរៀបចំបាល់ទាត់សប្បុរសធម៌ ក្រោមប្រធានបទ “យើងរួមគ្នាលើកស្ទួយជួយគុនខ្មែរ” ចុងខែនេះ
តារាចម្រៀងសំឡេងស្អក ខេម បានប្រកាសត្រៀមរៀបចំការប្រកួតបាល់ទាត់សប្បុរសធម៌ ក្រោមប្រធានបទ “យើងរួមគ្នាលើកស្ទួយជួយគុនខ្មែរ” ដែលគ្រោងនឹងធ្វើឡើងនៅចុងខែតុលា ឆ្នាំ២០២៤ ឆាប់ៗខាងមុខនេះ។
លោក ខេមដែលជាអ្នកដឹកនាំក្រុមបាល់ទាត់តារាកម្ពុជា បានប្រាប់ឲ្យដឹងថា ក្រុមបាល់ទាត់តារាកម្ពុជា បានសហការជាមួយគុនខ្មែរអលស្តារ រៀបចំបង្កើតកម្មវិធីបាល់ទាត់មិត្តភាពនេះឡើង ដោយជ្រើសរើសយកប្រធានបទ ” យើងរួមគ្នាលើកស្ទួយជួយគុនខ្មែរ” ។ លោកថា មូលហេតុដែលដាក់ប្រធានបទបែបនេះ ក៏ព្រោះតែយល់ថា ការគាំទ្រឬការស្រលាញ់ក៏ជាផ្នែកនៃការជួយលើកស្ទួយវិស័យគុនខ្មែរផងដែរ ហេតុនេះហើយទើបសម្រេចដូច្នេះ។
តារាចម្រៀង ខេម បន្តទៀតថា ការប្រកួតបាល់ទាត់រវាងក្រុមបាល់ទាត់តារាកម្ពុជា និងគុនខ្មែរអលស្តារ ធ្វើឡើង នៅថ្ងៃទី២៩ ខែតុលា ឆ្នាំ២០២៤ ទីតាំងស្តាតចាស់ ចាប់ពីម៉ោង ២រសៀលតទៅ ដោយនឹងមានការផ្សាយបន្តផ្ទាល់នៅ BTV ហើយការប្រកួតបាល់ទាត់សប្បុរសធម៌នេះ គឺធ្វើឡើងក្នុងគោលបំណងដើម្បីរកមូលនិធិ ជួយដល់បណ្តាក្លឹបមួយចំនួន ដែលមានការខ្វះខាតសម្ភារ: ឬធនធានផ្សេងៗជាដើម។
ទន្ទឹមនេះ លោក ខេម ក៏បានអំពាវនាវផងដែរដល់មហាជននិងអ្នកគាំទ្រវិស័យកីឡាទាល់ទាត់នឹងគុនខ្មែរអាចចូលរួមទស្សនាដោយសេរី ហើយអាចចូលរួមបរិច្ចាគបវិកាផ្ទាល់ខ្លួន ទៅតាមលទ្ធភាពរៀងៗខ្លួន ព្រោះនេះជាពេលវេលាមួយដ៏សប្បាយរីករាយ និងជាឱកាសធ្វើបុណ្យទានដែលបង្ហាញពីក្តីស្រលាញ់ចេះសាមគ្គីគ្នារវាងខ្មែរនិងខ្មែរផងដែរ៕ អត្ថបទ៖ ចាន់រ៉ា
-
ព័ត៌មានអន្ដរជាតិ២ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៤ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៤ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៥ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ១ សប្តាហ៍ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
ព្យុះ Milton ធ្វើឲ្យផ្អើលសត្វក្រពើ ចេញមកតាមផ្លូវក្នុងរដ្ឋ Florida
-
ព័ត៌មានអន្ដរជាតិ២០ ម៉ោង ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៧ ថ្ងៃ ago
ភ្លៀងមួយមេធំ ធ្វើឱ្យគល់ស្ពានអាកាសចោមចៅផ្លូវជាតិលេខ ៤ លិច និងស្ទះចរាចរណ៍យ៉ាងខ្លាំង