ទោះខូចឈ្មោះបន្ដិចមែន តែ Han Sohee មានលុយជះ ទិញវីឡាមួយក្ដៅៗតម្លៃជិត៤លានដុល្លារ

កាលពីថ្ងៃទី២០ ខែតុលា​ កន្លងទៅនេះ តារាសម្ដែងស្រី ដ៏ល្បីល្បាញ​ Han Sohee ត្រូវបានគេរាយការណ៍មកថា នាងបានទិញផ្ទះវីឡាដ៏ប្រណិតពីរជាន់ ដែលមានតម្លៃដល់ទៅ 3,8 លានដុល្លារឯណោះ។ ជាមួយគ្នានេះ គេដឹងដែរថា នៅម្ដុំនោះ សម្បូរតារាល្បីៗ រស់នៅ Arcadia Signature។

មិនតែប៉ុណ្ណោះ គេបានទម្លាយថា នាងបានបង់លុយរួចរាល់តាំងពីថ្ងៃទី២១ ខែសីហា មកម្ល៉េះ ដោយបានធ្វើការផ្ទេរកម្មសិទ្ធិដាក់ឈ្មោះជារបស់ Han Sohee។ គួរបញ្ជាក់ឲ្យដឹងដែរថា កាលពីមុន តារាស្រីរូបនេះ រស់នៅក្នុង Villa De Greeum ដែលនាងបានទិញក្នុងតម្លៃ 1,4 លានដុល្លារ កាលពីឆ្នាំ២០២១កន្លងទៅ។

ក្រោយពីរស់នៅអស់រយៈពេល៣ឆ្នាំ Han Sohee បានសន្សំលុយគ្រប់ ហើយក៏បានទិញផ្ទះថ្មីដែលប្រណិតជាងមុន ហើយមានតម្លៃថ្លៃជាងមុនគុននឹង២ផងដែរ។ ក្រឡេកមកមើល អគារ Arcadia Signature មានត្រឹមតែប្រាំបីយូនីតដែលមានច្រកចូលឯកជន។ ផ្ទះ ដែល Han So Hee បានទិញមានទំហំធំបំផុត មានបន្ទប់គេងបួន បន្ទប់ទឹកបី ដំបូលផ្ទះមួយ និងយ៉រខាងក្រៅមួយ។

ជាពិសេស ទីកន្លែងមួយនេះ មានសុទ្ធសឹងតែតារាល្បីៗរស់នៅ ដែលមានដូចជា Hyun Bin, Park Jin young និងតារាចម្រៀង Jo Sung Mo និងតារាល្បីៗដែលមានទ្រព្យសម្បត្តិស្ដុកស្ដម្ភជាច្រើននាក់ទៀត៕

ប្រភព៖ Koreaboo