បវរកញ្ញាហុងកុង ធ្លាប់ជំពាក់គេជុំទិស ដល់ថ្នាក់លក់​​មកុដ​​ ពេលនេះមានស្ថានភាពយ៉ាងណាហើយ?

Winnie Young កើតនៅឆ្នាំ ១៩៧០ នាងមានឈ្មោះល្បីល្បាញនៅពេលនាងគ្រងមកុដបវរកញ្ញាហុងកុងឆ្នាំ ១៩៩៥ បន្ទាប់មកបានចូលរួមជាមួយ TVB ក្នុងនាមជាតារាសម្តែង។ យ៉ាងណាជីវិត​របស់​តារា​ស្រី​រូប​នេះ​ពោរពេញ​ដោយ​រឿង​អាស្រូវ​លុយកាក់។ ពេល​ដែល​ហិរញ្ញវត្ថុ​របស់​នាង​ទន់ខ្សោយ សម្រស់​ក៏​ត្រូវ​បញ្ចាំ​មកុដ​​ដ៏​ថ្លៃរបស់​នាង​ដែរ។

ក្នុងឆ្នាំ ២០០៣ នាងបានរៀបការជាមួយពាណិជ្ជករ Simon Wong Shuai-fun ដោយបានស្វាគមន៍កូនស្រីដំបូង ក្នុងឆ្នាំ ២០០៥ និងកូនប្រុសទីពីរក្នុងឆ្នាំ ២០០៦។ ចាប់តាំងពីរៀបការនិងមានកូនមក សម្រស់បានដកថយបន្តិចម្តងៗពីពីភព showbiz ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចាកចេញពីវិស័យសិល្បៈ Winnie និងស្វាមីបានផ្ដោតលើមុខជំនួញ និងទទួលបានភាពជោគជ័យជាច្រើនលើទីផ្សារ។ ប្តីប្រពន្ធនេះជាម្ចាស់ក្រុមហ៊ុនហ្គេម ទស្សនាវដ្ដីទេសចរណ៍ មជ្ឈមណ្ឌលអប់រំ។​ ទោះជាយ៉ាងនេះក្តី អាជីវកម្មរបស់ Simon និងភរិយាបានធ្លាក់ចុះយ៉ាងឆាប់រហ័ស ដោយជំរុញឲ្យពួកគេជំពាក់បំណុលគេគ្រប់ទិសទី។

ក្រោយមក ស្រាប់តែបវរកញ្ញាហុងកុងឆ្នាំ ១៩៩៥ ត្រូវបានចោទប្រកាន់ពីបទលួចទ្រព្យសម្បត្តិក្រុមហ៊ុន និងបំពានលក្ខខណ្ឌនៃការគ្រប់គ្រងសាលារបស់នាង។ យោងតាមប្រព័ន្ធផ្សព្វផ្សាយហុងកុង ដំបូងឡើយលោក Yang បានធ្វើការជានាយក និងជាអ្នកគ្រប់គ្រងសាលាមត្តេយ្យអន្តរជាតិមួយ។

ទោះជាយ៉ាងណាក៏ដោយនៅក្នុងខែមេសា ឆ្នាំ ២០១៨ សាលាបានរកឃើញមគ្គុទ្ទេសក៍បុគ្គលិកក្នុង ឆ្នាំ ២០១៧ ដែលតម្រូវឲ្យសិស្សបង់ថ្លៃសិក្សាទៅក្រុមហ៊ុនខាងក្រៅ ទឹកប្រាក់សរុបគឺ ១៤៧,០០០ ដុល្លារហុងកុង។ Winnie ក៏បានប្តូរឈ្មោះក្រុមហ៊ុនទៅអាសយដ្ឋានសាលាមត្តេយ្យ ដែលធ្វើឲ្យឪពុកម្តាយយល់ច្រឡំថា សាលាទាំងពីរមានទំនាក់ទំនងគ្នា។​ តារាសម្តែងកើតនៅឆ្នាំ ១៩៧០ ត្រូវបានចោទប្រកាន់ពីបទរំលោភលើភារកិច្ចត្រួតពិនិត្យសាលារៀន ក៏ដូចជាមានបំណងលួចទ្រព្យសម្បត្តិ និងប្រព្រឹត្តការក្លែងបន្លំ។ ជា​លទ្ធផល នាង​ត្រូវ​ប៉ះប៉ូវ និង​សង​ប្រាក់​ដែល​សមរម្យ​ទាំង​អស់។

នៅពេលដែលហិរញ្ញវត្ថុកាន់តែខ្សោយទៅៗ អតីតបវរកញ្ញារូបនេះនិងស្វាមីរបស់នាងត្រូវរកវិធីដើម្បីសងបំណុលដែលប្រមូលបាន។ បវរកញ្ញាហុងកុងឆ្នាំ ១៩៩៥ ថែមទាំងត្រូវយកមកុដដ៏ថ្លៃ និងអចលនទ្រព្យជាច្រើននៅរដ្ឋកាលីហ្វ័រញ៉ា (សហរដ្ឋអាមេរិក) ធ្វើជាបញ្ចាំ។ ដោយបានបាត់បង់អាជីព ផ្ទះសម្បែង និងកេរ្តិ៍ឈ្មោះ ប្តីប្រពន្ធនេះបានប្រកាសក្ស័យធនដោយភាពអាម៉ាស់។ ម្ចាស់បំណុល​ថែមទាំង​បាន​ដាក់​ញត្តិ​ដក​តំណែង​បវរកញ្ញា​របស់​នាង​ទៀត​ផង។ ក្រោយមក ក្នុងឆ្នាំ ២០១៩ Winnie និងកូនពីរនាក់បានផ្លាស់ទៅរស់នៅសាន់ហ្វ្រាន់ស៊ីស្កូ ។

យោងតាម ​​HK01 បញ្ចាក់ថា Winnie នៅតែរស់នៅក្នុងសហរដ្ឋអាមេរិក។ នៅលើទំព័រផ្ទាល់ខ្លួនរបស់នាង តារាភាពយន្ដអាមេរិករូបនេះ ណែនាំខ្លួននាងថា​ ជាម្ដាយដែលមានកូនពីរនាក់ ចូលចិត្តចែករំលែកទស្សនៈដ៏ស្មោះត្រង់របស់នាងអំពីជីវិតផ្ទាល់ខ្លួន និងផ្សព្វផ្សាយពីភាពវិជ្ជមានដល់មនុស្សគ្រប់គ្នា។

នៅក្នុងការបង្ហោះ អតីតតារាស្រីរូបនេះតែងតែធ្វើបច្ចុប្បន្នភាពអំពីជីវិតប្រចាំថ្ងៃដ៏សុខសាន្តរបស់នាង៖ ចំណាយពេលជាមួយកូន ហាត់កីឡា និងចែករំលែកចំណង់ចំណូលចិត្តរបស់នាងសម្រាប់អាហារ និងការធ្វើដំណើរ Winnie រក្សារបៀបរស់នៅប្រកបដោយសុខភាពរឹងមាំ វិជ្ជមាន និងរក្សារបៀបរស់នៅសាមញ្ញ រូបរាង។ ម្តាយ​កូន​ពីរ​បាន​បង្ហើប​ថា គោលដៅ​ឆ្នាំ​២០២៤​របស់​នាង ​គឺ​រស់នៅឲយមាន​សុខភាព​ល្អ មាន​សុភមង្គល និង​ចិញ្ចឹម​ឆ្មា។

ជាការកត់សម្គាល់ នៅក្នុងការបង្ហោះរបស់អតីតបវរកញ្ញា បានត្រឹមតែចែករំលែកសកម្មភាពប្រចាំថ្ងៃ ក៏ដូចជារូបភាពជាមួយកូនៗប៉ុណ្ណោះ ដោយមិននិយាយពីស្វាមីរបស់នាងឡើយ។ នេះ​ធ្វើ​ឲ្យមនុស្ស​ជា​ច្រើន​ចោទ​សួរ​ពី​ស្ថានភាព​អាពាហ៍ពិពាហ៍​របស់​តារា​ស្រីថាអាចឈានដល់ការលែងលែះគ្នាហើយ៕

អត្ថបទ៖ សាង ស្រីល័ក្ខ

ចុចអានៈ