ជីវិតកម្សាន្ដ

ដៃគូចាស់ Shu Qi ប៉ះគ្នាម្ដងទៀត ក្នុងព្រឹត្តិការណ៍ Shanghai

បានផុស

២៦ វិនាទី មុន

នៅ

ថ្ងៃពុធ ២៣ តុលា ២០២៤

ដោយ

តារាសម្ដែងហុងកុង Nicholas Tse និងតារាសម្ដែងតៃវ៉ាន់ Shu Qi បានថតរូបជាមួយគ្នា ខណៈដែលពួកគេបានជួបគ្នាម្ដងទៀត ក្នុងព្រឹត្តិការណ៍ Moncler ក្នុងទីក្រុង Shanghai ប្រទេសចិន។

យោងតាមគេហទំព័រ Daily Dimsum តារាទាំងពីរបានស្លៀកសម្លៀកបំពាក់ពណ៌ខ្មៅរលោង បញ្ចេញភាពឆើតឆាយ និងទំនុកចិត្ត។ រូបថតរបស់ពួកគេទទួលបានការសរសើរយ៉ាងទូលំទូលាយពីអ្នកគាំទ្រ និងប្រព័ន្ធផ្សព្វផ្សាយ ដែលបានកោតសរសើរចំពោះរូបរាងទាន់សម័យរបស់អ្នកទាំងពីរ។

មិនត្រឹមប៉ុណ្ណឹងទេ ការជួបជុំនេះក៏បានធ្វើឲ្យមានការរំជើបរំជួលផងដែរ ដោយរំឭកដល់អ្នកគាំទ្រពីការសហការគ្នាដំបូងរបស់ពួកគេនៅក្នុងខ្សែភាពយន្តឆ្នាំ ១៩៩៨”Young and Dangerous: The Prequel” ដែលពួកគេបានចែករំលែកការថើបនៅលើអេក្រង់ ដែលជាការលើកដំបូងរបស់ Tse នៅក្នុងខ្សែភាពយន្តមួយនោះផងដែរ។

ព្រឹត្តិការណ៍ Moncler ត្រូវបានប្រារព្ធឡើងដោយតារាល្បី ៗ ផ្សេងទៀតរួមទាំងតារាសម្តែងជនជាតិអាមេរិក Anne Hathaway តារាប៉ុប Barbadian Rihanna និងតារាចម្រៀង Leah Dou ដែលជាកូនស្រីច្បងរបស់មិត្តស្រីបច្ចុប្បន្នរបស់ Tse គឺ Hong Kong diva Faye Wong និងអតីតស្វាមី តារាចម្រៀង និងអ្នកនិពន្ធបទចម្រៀងចិន Dou Wei ៕